Бүгүҥҥүттэн «Саханефтегазсбыт» бэнсиин уонна дизель сыанатын ыаратта

Бүгүҥҥүттэн, алтынньы 24 күнүттэн,  «Саханефтегазсбыт» бэнсиин уонна дизель сыанатын ыаратта. Тэрилтэҕэ бэлиэтээбиттэринэн, Киин баан ключевой ыстаапката үрдээбитин да иһин, кинилэр ньиэп бородууктатын сыанатын былырыыҥҥы таһымҥа тута сылдьыбыттар. 

Дьокуускайга Аи-92 уматык 5 солк.30 кэп.-нэн ыараан, 70,8 солк. буолла.

Аи-95 уматык  5,6 солк. ыараан,  68 солкуобайтан 74,1 солкуобай буолла.

Аи-98 6 солк.-нан ыараан, 79,6 солк. буолла.

Дизель сыаната 87,9 солк. буолла.

Хампаанньаҕа уматык сыаната үрдээбитин туһунан генеральнай дириэктэри үпкэ солбуйааччы Артем Ничипоренко маннык эттэ: «Биһиги хампаанньабыт экэнэмиичэскэй балаһыанньаны ырытан баран, бүгүҥҥүттэн бэнсиин уонна дизель сыанатын ыаратан атыылыыр туһунан быһаарыныыны ылылынна. Бу иннинэ былырыын алтынньыга сыанабытын үрдэппиппит».