Бүгүҥҥүттэн СӨ учууталларын уонна педагогическай уопсастыбаннаһын XIV сийиэһэ ыытыллар. Улахан, бэлиэ тэрээһин ССРС норуотун учуутала М.А.Алексеев пааматынньыгар сибэкки дьөрбөтүн уурууттан саҕаланна.
Тэрээһиҥҥэ өрөспүүбүлүкэ, Ил Түмэн, СӨ Үөрэҕин уонна билимин министиэристибэтин салалтатын бэрэстэбиитэллэрэ, сийиэс дэлэгээттэрэ, үөрэнээччилэр кытыннылар. Билиҥҥи курдук ыччаты патриотическай тыыҥҥа иитиигэ бу тэрээһин суолтата улахан. Ытык дьоммутугар, чулуу учууталларга сүгүрүйүү биир бэлиэтинэн буолар.
СӨ Үөрэҕин уонна билимин миниистирэ Ирина Любимова тыл этэригэр, норуот учуутала Михаил Алексеев Саха сиригэр үөрэх сайдыытыгар киллэрбит сүҥкэн кылаатын, физика-математика хайысхалаах хамсааһыны көҕүлээбитин итиэннэ үгүс эдэр, талааннаах ыччакка сирдьит буолбутун бэлиэтээтэ.
Санатан эттэххэ, СӨ Учууталларын уонна педагогическай уопсастыбаннаһын сийиэһэ алтынньы 4-7 күннэригэр киэҥ бырагыраамалаах ыытыллар. Министиэристибэҕэ иһитиннэрбиттэринэн, 500-чэкэ дэлэгээт кыттара сабаҕаланар. Дэлэгээттэр бүгүҥҥүттэн кэлэн, бэлиэтэниини ааһан эрэллэр. Сийиэс улахан мунньаҕа сарсын, алтынньы 5 күнүгэр, сарсыарда 10 чаастан Д.К.Сивцев-Суорун Омоллоон аатынан Опера уонна балет тыйаатырыгар буолар.
Хаартыска: СӨ Үөрэҕин уонна билимин министиэристибэтиттэн.
Саҥа дьыллааҕы бырааһынньыктары көрсө Судаарыстыбаннай Дуума дьокутаата Олег Леонов ТАСС-ка биэрбит кэпсэтиитигэр пиротехниканы куттала суох…
ИДьМ сулууспатын Ньурба улууһун отделын дьуһуурунай чааһыгар олохтоох киһи суотабай төлөпүөнүн уорбуттарын туһунан сайабылыанньа суруйбут.…
Дьокуускай куорат борокуратуурата сэдэх (орфаннай) ыарыынан ыалдьар инбэлиит быраабын көмүскээн, үрдүк сыаналаах эминэн хааччылларын ситистэ.…
Байыаннай дьайыы бэтэрээнин Пеледуй бөһүөлэк орто оскуолатыгар тэриллибит Москва анныгар фашистскай халабырдьыттары утары кыргыһыы 84…
Саҥа Дьыл чугаһаабытынан Саха сирин олохтоохторо дьиэлэригэр, «утренниктарга» уонна тэрилтэлэрин киэһэлэригэр Тымныы Оҕонньору уонна Хаарчаананы…
Ил Дархан 2025 сыл түмүктэрин таһаарыаҕа уонна өрөспүүбүлүкэ сайдыытын кэскилин торумнуоҕа. Ахсынньы 23 күнүгэр, Дьокуускай…