Бүгүҥҥүттэн ситэриилээх былаас отчуота Өлүөхүмэ улууһугар ыытыллар

Бүгүҥҥүттэн Өлүөхүмэ оройуонугар ситэриилээх былаас отчуота саҕаланна.

Дэлэгээссийэни үөрэх миниистирэ Нюргуна Соколова салайар. Бырабыыталыстыба 15-тии киһилээх  отчуоттуур бөлөҕө түөрт хайысхаҕа арахсан үлэлиир.

Ол курдук, миниистир салайар бөлөҕө олунньу 17-19 күннэригэр аҕыс нэһилиэги хабан үлэлиэҕэ. Үлэ уонна социальнай сайдыы миниистирин бастакы солбуйааччы Альбина Трубина эмиэ аҕыс нэһилиэккэ отчуоттуоҕа. Тырааныспар уонна суол хаһаайыстыбатын миниистирин бастакы солбуйааччы Анатолий Потапов салайар үһүс бөлөҕө биэс нэһилиэккэ сылдьыаҕа. Баай-дуол уонна сир сыһыаннаһыыларыгар миниистирэ Павел Багынанов салайар төрдүс бөлөҕө  түөрт нэһилиэккэ отчуоттуур.

Олунньу 20 күнүгэр бырабыыталыстыба оробуочай дэлэгээссийэтэ бары мустан, Өлүөхүмэ куоракка ситэриилээх былаас түмүктүүр отчуотун ыытыаҕа.