Бүгүҥҥүттэн туйахтаах кыылларга бултааһын тохтуур

СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтэ иһитиннэрбитинэн, бүгүҥҥэттэн, ахсынньы 25 күнүттэн, тайаҕы, кыыл табаны, туртаһы, кулааһайы бултааһын болдьоҕо бүтэр.

Онон сибээстээн, бултуурга аналлаах көҥүлү биэрэр докумуону ылбыт сиргэ 10 күн иһинэн туттарыллыахтаах. Ити уон күн иһинэн тустаах докумуону туттарбатахха, административнай миэрэҕэ тардыллыахха сөп. Ону тэҥэ, сокуон ирдэбилин тутуспатахтарга биир сыл устата булт көҥүлэ бэриллибэт.