Бүгүҥҥүттэн үөрэххэ туттарсааччылартан докумуону тутуу саҕаланна

Бүгүҥҥүттэн, бэс ыйын 20 күнүттэн үрдүк, орто үөрэхтэргэ докумуону тутуу саҕаланна. Саха сиригэр 6 үрдүк уонна 42 орто үөрэх баар.

Үрдүк үөрэххэ бүддьүөттэн барыта 5438 миэстэ көрүллүбүт. Итинтэн Хотугулуу-Илиҥҥи федеральнай университекка — 4065, Арктикатааҕы судаарыстыбаннай агротехнологическай университекка – 771, Арктикатааҕы култуура уонна ускуустуба судаарыстыбаннай институтугар – 159, Чурапчытааҕы физическэй култуура уонна успуорт судаарыстыбаннай институтугар – 185, Дьокуускайдааҕы уу тырааныспарын институтугар – 219, Муусука үрдүкү оскуолатыгар – 39 миэстэ.

Үрдүк үөрэххэ докумуону 2025 сыл бэс ыйын 20 күнүттэн от ыйын 25 күнүгэр диэри туталлар.

Орто үөрэххэ докумуону тутуу эмиэ бүгүҥҥүттэн саҕаланна. Саха сиригэр барыта 42 орто үөрэх тэрилтэтэ баар. Үөрэх уонна билим министиэристибэтигэр иһитиннэрбиттэринэн, быйыл бүддьүөттэн 6882 миэстэ көрүллүбүт. Итинтэн 2704 миэстэ 11-с кылаас кэнниттэн туттарсааччыларга, 4118 миэстэ — 9-с кылаас кэнниттэн.

Докумуону атырдьах ыйын 15 күнүгэр диэри туталлар.

Ирдэниллэр докумуоннар:

1. Сайабылыанньа
2. Пааспар
3. Үөрэх туһунан докумуон
4. Мэдиссиинэ ыспыраапката
5. Хаартыска – 4 устуука
6. Тус ситиһии докуомуона
7. Тус дааннайы бэрэбиэркэлииргэ сөбүлэҥ.