Хаартыска: ЯСИА
Балаҕан ыйын 4 күнүттэн 6 күнүгэр диэри Дьокуускай куоракка «Юнармия» өрөспүүбүлүкэтээҕи патриотическай сүлүөтэ ыытыллар.
Сүлүөккэ өрөспүүбүлүкэ 20 улууһуттан уонна куораттааҕы уокуругуттан араас хамаандалар кыттыахтара. Юнармеецтар «Аҕа дойдуну көмүскээччи» байыаннай-успуорт оонньууга, «Юнармеец оскуолата» үөрэх бырагырааматыгар, юнармеецтар этэрээттэрин уонна байыаннай-патриотическай кулууптар IV Өрөспүүбүлүкэтээҕи көрүү-күрэхтэригэр уонна да атын тэрээһиннэргэ бэйэлэрин сатабылларын уонна дьоҕурдарын көрдөрүөхтэрэ.
Успуорт күрэхтэһиилэриттэн ураты, тэрийээччилэр хамаанданы түмэр оонньуулары, маастар-кылаастары, юнармеецтар үгэстэрин киэһэтин уонна Арассыыйа Дьоруойунуун көрсүһүүнү бэлэмнээтилэр. Сүлүөт чэрчитинэн Ю.А. Гагарин аатынан Култуура уонна аныгы ускуустуба киинигэр ыччат настаабынньыктарын, ытыктабыллаах ыалдьыттар уонна «ЮНАРМИЯ» партнердарын кыттыылаах кэнсиэр-бырагыраама уонна үөрүүлээх түмүктээһин ыытыллыаҕа. Онно бастыҥ юнармеецтарга мэтээллэр туттарыллыахтара.
Сүлүөт «Ыччат уонна оҕо аймах» национальнай бырайыак «Биһиги бииргэ» федеральнай бырайыагын чэрчитинэн ыытыллар. Тэрийээччилэринэн СӨ Ыччат дьыалаларыгар уонна социальнай коммуникацияларга министиэристибэтэ, Ф.К. Попов аатынан «Юнармия» эрэгийиэннээҕи салаатын ыстааба уонна Дьокуускайдааҕы кадетскай оскуола-интэринээт буолаллар. Бу туһунан sakha.gov.ru саайта иһитиннэрэр.
Бүгүҥҥүттэн православнай христианнарга Улуу пост иннинээҕи бырааһынньык - Масленица саҕаланна. Саха дьоно төһө да бары…
Олунньу 21 күнүгэр Саха Өрөспүүбүлүкэтин Судаарыстыбаннай Үүнэр көлүөнэ тыйаатыра байыаннай дьайыы кыттыылаахтарын хорсун быһыыларын үйэтитэр…
Бүгүн Креативнай индустрия кэллиэһигэр Аҕа дойду тас өттүгэр ытык иэстэрин толорбут интернационалист буойуттар күннэригэр уонна…
РИА-Новости иһитиннэрэринэн, Санкт-Петербург куоракка эбсийээнэ уоспатынан ыалдьыы икки түбэлтэтэ бэлиэтэммит. Уобаластааҕы Роспотребнадзор чахчыларынан, Таиланд Королевствотыттан…
ИДьМ Чурапчытааҕы салаатын дьуһуурунай чааһыгар түөкүннээһиҥҥэ түбэспит киһиттэн сайабылыанньа киирбит. Ол курдук эр киһи саппаас…
Билигин бырааска тэйиччиттэн суруттарар кыах баар буолла. Электроннай больничнайы эмиэ маннык оҥорторуохха сөп. Ол барыта…