Хаартыска: Мария Васильева. СИА.
Бүгүн, сэтинньи 30 күнүгэр, өрөспүүбүлүкэ соҕуруулуу-арҕаа өттүгэр уонна Халыма эргин хаардаабат диэн Саха сиринээҕи гидрометеокиин иһитиннэрэр.
Онтон атын сирдэргэ — Өлүөнэ алын тардыытыгар, күнүһүн соҕуруу уонна кииҥҥэ кыратык хаардыыр. Өлүөнэ алын тардыытыгар, арҕаа, соҕуруулуу-арҕаа диэки хотугулуу-арҕааттан сөкүүндэҕэ 15-20 м түргэннээхтик силлиэриэ. Салгын температурата түүнүн -22-27°С, арҕаа, хотугулуу-арҕаа -14-19°С, илин 31-36°С, күнүһүн -15-20°С, арҕаа уонна хотугулуу-арҕаа -10-15°С, илин -27-32°С кыраадыс буолар.
Арктика улуустарыгар уонна арҕаа кытылынан кыратык хаардыыр. Арҕааттан илин диэки сөкүүндэҕэ 9-14 м, арҕаа кытылынан сөкүүндэҕэ 19-24 м түргэннээхтик тыалырыа. Тиксии буухтатыгар сөкүүндэҕэ 25-30 м түргэннээхтик буурҕарыа. Салгын температурата түүнүн -16-21°С, илин -23-28°С, күнүһүн -13-18°С, илин -15-20°С тымныйыа.
Ахсынньы 1-2 күннэрэ
Саха сирин үгүс өттүгэр хаардыаҕа. Ахсынньы 1 күнүгэр соҕуруу, арҕаа, хотугулуу-илин сорох сирдэринэн сөкүүндэҕэ 9-14 м түргэннээхтик тыалырыа, тибиилээх буолуо. Түүнүн хотугулуу-арҕаа, Өлүөнэ алын тардыытыгар сөкүүндэҕэ 15-20 м түргэннээхтик тыалырыа. Анаабыр уонна Булуҥ улуустарыгар сөкүүндэҕэ 17-22 м түргэннээхтик буурҕарыа. Ахсынньы 1 күнүгэр өрөспүүбүлүкэ киин улуустарыгар түүнүн уонна күнүһүн -20-25°С, сорох сиринэн -25-30°С, хотугулуу-арҕаа -30-35°С, соҕуруулуу-арҕаа уонна соҕуруу -17-22°С, сорох сиринэн -12-17°С кыраадыс буолар.
Хотугулуу-илин түүнүн -30-35°С, Халыма-Индигиир улуустарыгар -35-40°С, күнүһүн -30-35°С, сорох сиринэн -20-25°С кыраадыс тымныйар. Ахсынньы 2 күнүгэр тымныйар уонна киин эргин -30-35°С кыраадыс буолуо. Түүнүн сорох сиринэн халыннаҕына, -35-40°С, хотугулуу-илин -40-45°С, соҕуруулуу-арҕаа уонна соҕуруу түүнүн уонна күнүһүн -25-30°С, сорох сиринэн -18-23°С, арҕаа, соҕуруулуу-арҕаа -29-34°С, түүнүн сорох сиринэн -34-39°С кыраадыс буолар.
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…
Дьокуускайга Эргэ куорат биир дириҥ устуоруйалаах, мааны, сэргэх, сырдык оҥоһуулаах оройуонунан биллэр. Манна киһи күнүстэри,…