Бүгүн Өрөспүүбүлүкэ күнүн көрсө ыытыллар Ил Дархан Айсен Николаевы кытта “Быһа эпииргэ” дьон кыттыыта көхтөөх.
Ол курдук, ыытааччылар Алена Шестакова уонна Олег Марков иһитиннэрбиттэринэн, бу чааска 900-тэн тахса боппуруос, этии киирдэ. Боппуруостары хайысхаларынан араардахха, бастакынан суол-иис өрөмүөнэ, айан муосталары саҥардыы, сөмөлүөт сырыыта, авиабилиэт сыаната; иккиһинэн, дьиэнэн хааччыллыы, ипотека, хаарбах дьиэттэн көһөрүү; үсүһүнэн, элбэх оҕолоох дьиэ кэргэттэргэ чэпчэтии, дьиэни-уоту саҥардыыга чэпчэтии; төрдүһүнэн, тулалыыр эйгэни, тиэргэннэри тупсарыы; бэсиһинэн, гаастааһын, ОДьКХ боппуруостара.
Ыйытыылар “Быһа эпииргэ” өрөспүүбүлүкэ бары улуустарыттан киирдилэр. Ордук көхтөөхтүк бөдөҥ куораттар, Дьокуускай куорат олохтоохторо кыттыыны ылаллар.
— Бу боппуруостар – биһиги күннээҕи олохпут көстүүтэ. Туох ыйытыы киирэриттэн бүгүҥҥү олох хартыыната тахсан кэлэр. Урукку сылларга тэҥнээтэххэ, доруобуйа харыстабылыгар, үөрэҕириигэ сыһыаннаах боппуруостар аҕыйаатылар. Соҕуруу улуустар былааска итэҕэйэр буолбуттарын туоһута – Ленскэйтэн, Мииринэйтэн, Нерюнгриттэн биир бастакынан боппуруостар киирбиттэрэ буолла. Бэҕэһээ Мииринэйгэ сырыым кэмигэр оройуон кыһалҕатын чугастык билсэн кэллим. Ити курдук, улуустарга баар уустук боппуруостары кэмигэр быһаара олоробут, — диэн санаатын үллэһиннэ Ил Дархан Айсен Николаев.
Ил Дарханы кытта кэпсэтии Дьокуускай бириэмэтинэн куйаар ситиминэн “Саха” НКИХ, «Якутия 24», «Россия 24», «Тэтим», «Радио России», «Виктория-Саха», «СТВ-радио» араадьыйа уонна Ил Дархан Айсен Николаев социальнай ситимнэринэн буола турар.
Эми-тому атыылаһан баран, аны хайдах иһэр туһунан ыйыыны-кэрдиини (инструкцияны) төһө билсэбитий? «Күҥҥэ үстэ биир табылыакканы…
Саха сиригэр физическай култуура уонна успуорт сайдыытыгар, хаачыстыба өттүнэн үрдүк кэрдиискэ тахсарыгар кылгас олоҕун анаабыт…
Бу күннэргэ Горнай улууһун Бэрдьигэстээх сэлиэнньэлэрин түөлбэлэрэ сыл устата ыытыллар күрэстэр чэрчилэринэн, өбүгэ саҕаттан оонньонор…
Кыыллаахтар барахсаттар, уустук олоххо уһаарыллыбыт, кыһалҕаҕа кыһарыйтаран кылааннааммыт буолан бу да сырыыга түмсэннэр, улахан уу…
Нам улууһун "Маймаҕа нэһилиэгэ” МТ баһылыга Александр Егоров иһитиннэрбитинэн, бүгүн, ыам ыйын 18 күнүгэр, 16:00…
Саха сирин Ил Дархана Айсен Николаев Хэйлунцзян провинциятын губернатора, хотун Лян Хуэйлин кытары оробуочай көрсүһүүтүгэр…