Быһа лииньийэ: Элбэх оҕолоох ийэ үлэнэн хааччылларыгар көмөлөстүлэр

Бу саас Ил Дархан Айсен Николаев быһа эпиирин кэмигэр Тааттаттан элбэх оҕолоох ийэ Нюргуяна Уранаева эрийэн кэлэн, өр кэмҥэ үлэ көрдүүрүн туһунан кэпсээбитэ итиэннэтуох көмө баарын ыйыппыта.

Дьахтар өр кэмҥэ үлэ булбакка сылдьыбыта. Ил Дархан быһа эпииригэр эрийэн тиийэн,  кини үлэтин боппуруоһун быһаартарбыт. Кини  «Женщина села. Время действовать» бырайыак иитинэн анал үөрэҕи ааһан,  социальнай үлэһит (сиделка) идэтин баһылаабыт.

Санатан эттэххэ, Ил Дархан Дьадайыыны утары охсуһуу туһунан таһаарбыт ыйааҕын чэрчитинэн, «Женщина села. Время действовать» пилотнай бырайыак үлэлиир. 8 улууска:  Чурапчыга, Дьааҥыга, Намҥа, Үөһээ Бүлүүгэ, Сунтаарга, Тааттаҕа, Уус Алдаҥҥа, Мэҥэ Хаҥаласка Дьарыктаах буолуу киинэрин иһинэн дьахталлар кулууптара тэриллибиттэрэ. Бу кулууптарга дьахталлар саҥа идэлэргэ үөрэнэллэр, дьарыктаах буолаллар. Ол түмүгэр, 300 дьахтар үлэ булла, кинилэртэн 27 дьахтар бэйэ дьыалатын арыйдылар. Оттон бэйэ дьыалатын арыныахтарын баҕарар дьоҥҥо социальнай хантараак улахан төһүү күүс буолар.

Сарсын Ил Дархан быһа эпиирэ «Саха» НКИХ, «Якутия 24», «Россия 24» ханаалларга көстүөҕэ, «Тэтим», «Радио России», «Виктория Саха», «СТВ-радио» араадьыйаларга иһиллиэҕэ. Маны таһынан Айсен Николаев социальнай ситимнэригэр трансляцияланыаҕа:

Телеграм: https://t.me/aisen_nikolaev

Вконтакте: https://vk.com/aisennikolaev14

Одноклассники: https://m.ok.ru/profile/576618790554

Рутуб: https://rutube.ru/channel/25540354/