«Быһа лииньийэҕэ» ыйытыылар киирэ тураллар

Бу сылларга «Быһа лииньийэҕэ» уопсайа тоҕус тыһыынчаттан тахса ыйытыы киирбитэ бэлиэтэнэр.

Ил Дархан сорох ыйытыыларга быһа биэрии кэмигэр тута хоруйдаабыт. Сорох ыйытыылар, киирбит суруктар тустаах министиэристибэлэргэ, биэдэмистибэлэргэ ыытыллыбыттар.

Дьону-сэргэни кытта итинник киэбинэн бастакы кэпсэтии  2018  сыллаахха балаҕан ыйын 2 күнүгэр буолбута. Онтон кэнники биэрии 2024 сыл балаҕан ыйын 24 күнүгэр буолбута. Уопсайа үс чаас 22  мүн. устата ыытыллыбыта.

Ол курдук,  2018 сыл балаҕан ыйын 2 күнүгэр, 2019 сыл муус устар 26 уонна балаҕан ыйын 26 күннэригэр, 2021 сыл муус устар 26 уонна балаҕан ыйын  27 күннэригэр, 2022 сыл муус устар 26 уонна балаҕан ыйын 26 күннэригэр, 2023 сыл муус устар 26 уонна  балаҕан ыйын 26  күннэригэр, 2024 сыл муус устар 25, балаҕан ыйын  24 күннэригэр ыытыллыбыттар. 2020  сыллаахха коронавирус дьаҥыттан сылтаан Ил Дарханы кытта «Быһа лииньийэ» көһөрүллүбүтэ. Ол оннугар социальнай ситимнэринэн быһа эпиир буолбута.

Дьон-сэргэ ордук ОДьКХ, саахалланар туруктаах хаарбах дьиэттэн көһөрүү туһунан, суол-иис оҥоһуллуутун, социальнай өйөбүл боппуруостарын ыйыталаһаллар. Бу биэриигэ миниистирдэр, биэдэмистибэлэр салайааччылара кытталлар, ыйытыыларга хоруйдары биэрэллэр.

«Быыһа лииньийэ» ыытыллар киэбэ сыллата чочуллар. Биэриини Олег Марков уонна  Алена Шестакова ыталлар, кэпсэтии «Саха» НКИХ былаһааккатыгар ыытыллар.

Кэлэр биэрии муус устар 27 күнүгэр буолуоҕа. Биэрии 18:00 ч. саҕаланар. «Саха» НКИХ, «Якутия 24», «Россия 24» көрүөххүт, «Тэтим»,»Радио России», «Виктория Саха», «СТВ-радио» истиэххит.

Сиһилии: https://www.sakha.gov.ru/news/3545 манна ааҕыаххытын сөп.

СӨ Ил Дарханын уонна Бырабыыталыстыбатын пресс-сулууспата