Быһаҕынан анньыллыбыт икки дьахтары балыыһаҕа киллэрбиттэр

Дьокуускай, Нерюнгри куораттарга 1981 уонна 1982 сыллаахха төрөөбүт икки дьахтар быһаҕынан анньыллан балыыһаҕа киирбиттэр.

Нерюнгрига 1981 сыллаах эр киһини маһынан кырбаан, билбэт дьоно 20 тыһ. солк. былдьаабыттар.

Дьокуускайга докумуону бэрэбиэркэлээһин кэмигэр, сымыйа дастабырыанньалаах суоппары быһаарбыттар.

Нам улууһун Остуолба сэлиэнньэтигэр баар чааһынай дьиэттэн докумуона суох карабин сааны былдьаабыттар.

Бүлүү улууһун Кубалаах сиригэр “Урал” массыынаҕа гаас баллона эстибит. Ол түмүгэр икки киһи уокка эмсэҕэлээн, биэлсэр пуунугар киллэрбиттэр. Билигин бэрэбиэркэ ыытыллар.

Суукка устата 3 суоппар арыгы иһэн баран уруулга олорон тутуллубут. Бу туһунан Дьуһуурунай борокуруор иһитиннэрэр.