Быһаҕынан анньыллыы, ампаартан сууллуу, суотабайы былдьааһын…

Ааспыт сууккаҕа Саха сиригэр тоҕус буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары чинчийиини СӨ Борокуратууратын уорганнара хонтуруолга туталлар.

Дьокуускай куоракка 1982  с.т. эр киһи доруобуйатын эчэттилэр. Эр киһи түөһүгэр  быһаҕынан анньыллан балыыһаҕа киирдэ. Уорбаланааччы ким буолара билиннэ.

Киин куоракка 1963  с.т. дьахтартан күүстэринэн суотабай төлөпүөнүн былдьаатылар. Буруйдаах билиннэ.

Эмиэ Дьокуускайга уонна Чульмаҥҥа учууталтан, инженертэн, диспетчертэн, харабылтан уонна устудьуоҥкаттан түөкүттэр албыннаан  2,9 мөл. солк. уордулар. Түөкүттэр Водоканал, суотабай сибээс операторын, страховой хампаанньа аатыттан эрийбиттэр итиэннэ  «инвестициялааһын», массыынаны ыраах сиртэн аҕалыы  өҥөтүн оҥоробут диэн  кубулуммуттар.

Уус Алдан улууһугар 2018 с.т. кыысчаан ампаартан сууллан, балыыһаҕа киирдэ.