Быһый боотурдар «Бүлүү Боотур — 2025» күрэххэ күөн көрүстүлэр

Бүгүн, бэс ыйын 20 күнүгэр, «Оленскай» стадиоҥҥа «Бүлүү Боотур — 2025» күрэхтэһии саҕаланна. Күрэхтэһии  бэс ыйын 20-21 күннэригэр «Кыайыыны уруйдуур, кэскили кэрэһэлиир Ытык Бүлүү» ыһыах чэрчитинэн ыытыллар.

Быйылгы күрэхтэһиигэ Бүлүү улууһуттан хотугу многоборьеҕа маастар, «Бүлүү Боотур» хас да кыттыылааҕа Айаал Никифоров, атах оонньууларыгар спорт маастардара Кюндюл Карбаканов, Александр Алексеев, «Бүлүү Боотур — 2022» кыайыылааҕа Михаил Николаев, Любомир Сыромятников, Өлөөнтөн мас-рестлиҥҥа успуорт маастара Айсен Семенов, Орто Халыматтан хотугу многоборьеҕа спорт маастара, РФ чөмпүйүөнэ Алексей Созонов, Кэбээйиттэн Николай Архипов, Үөһээ Дьааҥыттан многоборьеҕа успуорт маастара, «Бүлүү Боотур — 2024» иккис миэстэлээҕэ Петр Прудецкай кытталлар.

Бастакы көрүҥҥэ — оҕунан ытыыга Алексей Созонов бастаата, иккискэ — Айсен Семенов, үһүскэ — Айаал Никифоров таҕыстылар. «Үс төгүл үс» атах оонньуутугар 31,8 м ыстаммыт Алексей Созонов бастаата, иккис — Николай Архипов, үһүс миэстэҕэ Кюндюл Карбаканов таҕыстылар.

Икки көрүҥ түмүгүнэн успуорт үтүөлээх маастара, хотугу многоборьеҕа успуорт маастара, Арассыыйа 5 төгүллээх муҥутуур чөмпүйүөнэ, РФ Куубагын икки төгүллээх хаһаайына Алексей Созонов бастаан иһэр.

Ханнык улуус боотура 500 тыһ.солк. хаһаайына буолуой? Билиҥҥи туругунан уопсайа 9 спортсмен суруттарбыт. Олор истэригэр:
 Петр Прудецкай (Үөһээ Дьааҥы) — многоборьеҕа СӨ успуордун маастара, «Бүлүү Боотур — 2024», «Дыгын Оонньууларын» кытыылааҕа;
Айсен Семенов (Өлөөн) — мас тардыһыыга Арассыыйа. СӨ маастара, хас да төгүллээх «Дыгын оонньууларын», «Бүлүү Боотур — 2024» финалиһа;
Алексей Созонов ( Орто Халыма) — «Дыгын оонньууларын» кыттыылааҕа, многоборьеҕа 5 төгүллээх Арассыыйа чөмпүйүөнэ;
 Михаил Николаев (Бүлүү) — «Бүлүү Боотур — 2022» чөмпүйүөнэ;
 Күндүл Карбаканов (Бүлүү) — атах оонньуутугар СӨ спордун маастара, «Бүлүү Боотур» кыттыылааҕа;
 Айаал Никифоров (Бүлүү) — севернай многоборьеҕа СӨ успуордун маастара, «Бүлүү Боотур» кыттыылааҕа;
Александр Алексеев (Бүлүү) — атах оонньуутугар СӨ успуордун маастара.
Любомир Сыромятников (Бүлүү) — баһаарынай спорт, ГТО көрүҥнэригэр призер;
Николай Архипов — многоборье хас да төгүллээх чөмпүйүөнэ.

Күрэх икки күн устата ыытыллар.