Салгыы
Быһылааны көрбүт киһи: мин көрдөрүүлэрим холуобунай дьыала хаамыытын уларытыахтарын сөп

Быһылааны көрбүт киһи: мин көрдөрүүлэрим холуобунай дьыала хаамыытын уларытыахтарын сөп

17.04.2024, 17:56
Хаартыска Саха Парламент сайтыттан ылылынна
Бөлөххө киир:

Дьокуускайга суол быһылааныгар түбэһэн суорума суолламмыт биир идэлээхпит, суруналыыс Татьяна Васильева (Симакова) дьыалатыгар туоһу көстүбүтүн туһунан «Yakutia.info» иһитиннэрэр. Өскөтүн, кырдьык  оннук буоллаҕына, дьыала өссө сытыырхайыан сөп.

Ол курдук, урут холуобунай дьыалаҕа туоһу суох диэн этиллибитэ, онон силиэстийэ барарын уустугурдубута. Ол эрээри «Yakutia.info» суол быһылаанын көрбүт киһини көрсөн кэпсэппитин таһаарбыт. Кини быһылаан туһунан бэйэтин көрүүтүн кэпсээбит. Кини аата Евгений Тагай диэн, сибидиэтэл мин көрдөрүүлэрим холуобунай дьыала хаамыытын уларытыахтарын сөп диэн эппитин суруйар.

«Ол курдук 2021 сыл балаҕан ыйын 15 күнүгэр киэһэ 19.00 ч. саҕана доҕорбун кытары Жорницкай уулуссатынан мыраан үрдүгэр баар сынньалаҥ баазаларын диэки баран испиппит, – диэн Евгений кэпсиир. –  Биһиги иннибитигэр кыра массыына, оттон ол иннигэр грузовой манипулятор айаннаан испиттэрэ. Светофор кыһыл уотунан умайбытыгар биһиги уонна  иннибитигэр айаннаан испит массыына тохтообуппут. Ол эрээри грузовой массыына тохтооботоҕо, кыһылынан тыган турар светофорунан иннин хоту сатыы киһи хааман туоруур сирин ааһан баран, эмискэ тохтообута. Ол массыынаны утары массыына кэлэр балаһатынан эргийэн туораан иһэн, грузовой массыына кэннигэр кыһыл кууркалаах дьахтар уонна бэлисипиэт сытарын көрбүппүт», — диэн сибидиэтэл кэпсээбит.

Дьэ, ол кэнниттэн эрэ Дьокуускай куорат Жорницкай уулуссатыгар бэлисипиэтинэн айаннаан испит дьахтары түҥнэри көтөн өлөрбүттэрин туһунан сонуну сонуннартан аахпытын кэпсээбит. Онно дьиҥэ, көрбүт дьон төлөпүөннүүллэригэр көрдөспүттэрэ баар эбит, ол иһин Евгений балаҕан ыйын 17 күнүгэр төлөпүөннээн тугу көрбүтүн кэпсээбит. Ол кэнниттэн бу киһи Москваҕа көһөн баран 2024 с. диэри олорбут, быйыл муус устар 12 күнүгэр эрэ төннөн кэлэн баран, бу быһылааҥҥа суоппар буруйа суоҕунан, дьыала сабыллыбыт диэн сонуну аахпыт. Ол иһин Евгений Тагай Силиэстийэлиир кэмитиэккэ тиийэн сайабылыанньа биэрбит.

Санатан эттэххэ, 2021 с. балаҕан ыйын 15 күнүгэр киэһэ 19:30 ч. ГИБДД дьуһуурунай чааһыгар Семен Данилов уонна Жорницкай уулуссаларын быһа охсуһууларыгар 44 саастаах «Исузу» манипуляторынан айаннаан испит суоппар бэлисэпиэтинэн айаннаан испит киһини түҥнэри көппүт. Ол түмүгэр бэлисипиэтинэн айаннаан испит биир идэлээхпит Татьяна Васильева (Симакова) эт-хаан ыарахан эчэйиитин ылан, миэстэтигэр тыына быстыбат.

Аны билигин Евгений Тагай көрбүт көрдөрүүлэрэ баар буолла. Уһуннук, бытааннык барбыт силиэстийэҕэ баҕар ымпыгар-чымпыгар тириэрдэр улахан суолталаах өрүттэр көстүөхтэрэ.

+1
3
+1
0
+1
0
+1
0
+1
0
+1
1
+1
2
Бары сонуннар
Салгыы
27 мая
  • 18°C
  • Ощущается: 17°Влажность: 34% Скорость ветра: 1 м/с

Сообщить об опечатке

Текст, который будет отправлен нашим редакторам: