Быйаҥныырдары ардах оттоппот

Аллайыаха улууһун Быйаҥныыр нэһилиэгэр аҕыйах ыал сүөһүлээх. Төһө да аҕыйаҕын иһин, Быйаҥныыр сүөгэйэ хойуутунан кэпсээҥҥэ киирэр.

Быйыл сайын күн аайы кэриэтэ кэлэн түһэ турар ардахтар моой отчуттары улаханнык атахтаатылар. Дэриэбинэттэн 3 көстөөх сиргэ оттуур сирдээхтэр. Быйыл кыстыкка этэҥҥэ киирэргэ 10-ча туонна оту кэбиһиэхтээхтэр.

“Ардах кыайан оттотумаары гынна. Бэл, сибээспит тыалтан арахсан эрэйдээтэ”, — диир нэһилиэк баһылыга Анастасия Большакова.