Быйаҥныырга – биир бөрөнү

Аллайыаха улууһун Быйаҥныыр нэһилиэгин сиригэр-уотугар быйыл бөрөлөр биллэн эрэллэр.

Бу адьырҕалар кэтэх хаһаайыстыбалар сылгыларын үрүө-тараа ыһаллар. Ол иһин олохтоох ДЭС начаалынньыга Роман Слепцов турунан туран, буранынан эккирэтэн, биир бөрөнү ытан ылла. “Биэс мүнүүтэ да буолбакка, ситэн ылан өлөрдүм”, – диир ол бултуйуутун туһунан Роман Николаевич.

Туундара бөрөтө буолан, син улахан эбит. Урут бу адьырҕаны сопхуос табаларын харыстаан бултаспытын туһунан этэр. Онтон ыла 30-ча сыл ааспыт. Онон билигин бу адьырҕаларга түбэстэҕинэ, бултуур санаалаах. “Бөрө ахсаанын сүрүннээһиҥҥэ” диэн көҥүл ылбыт. “Суоллара-иистэрэ элбэх. Саҥа хаардаата, суол таҕыстаҕына, сонордоһуохпут”, – диир кини.

Хаартыска: Р.Слепцов ыытта.