Быйаҥныырга уматык тиийбит

Суолу баттаһа оттугунан-уматыгынан хааччылыы хоту улуустарга тыын боппуруоһунан буолар. Аллайыаха улууһун Быйаҥныыр нэһилиэгэр хомунаалынай хаһаайыстыбаҕа уонна ДЭС-кэ туһаныллар уматык тиийбит.

— Нэһилиэнньэҕэ анаан атыылыр бэнсииммит эмиэ кэлбитэ. “Саханефтегазсбыт” тэрилтэни кытта нэһилиэк дьаһалтата сылын аайы дуогабар түһэрсэбит. Кинилэр ол дуогабарга олоҕуран миэстэтигэр диэри тиэрдэн биэрэллэр. Биһиги ону кинилэр олохтообут сыаналарынан атыылыыбыт”, — диэтэ нэһилиэк баһылыга Анастасия Большакова.