Мария Васильева хаартыскалара, ЯСИА
Саха сиригэр 2026 сылга 106,79 км суол үлэҕэ киириэҕэ. Онтон 87,7 км – эрэгийиэннээҕи суоллар, 2,99 км – «Дьокуускай куорат» куораттааҕы агломерация суоллара, ону таһынан 16,1 км – 20 тыһыынчаттан тахса нэһилиэнньэлээх кыра агломерациялар суоллара. Бу туһунан СӨ Тырааныспарга уонна суол хаһаайыстыбатыгар министиэристибэтигэр СӨ Бырабыыталыстыбатын Бэрэссэдээтэлин бастакы солбуйааччытыгар Дмитрий Садовниковка биэдэмистибэ салайааччыта Владимир Сивцев дакылааттаата.
Саха сирин бастакы вице-премьерэ, былырыыҥҥы министиэристибэ үлэтин түмүктээн, кини үлэтигэр-хамнаһыгар үтүө сыанабылы биэрдэ уонна өрөспүүбүлүкэ тырааныспарна уонна суол хаһаайыстыбатыгар министиэристибэтин үлэтэ Саха сирин олохтоохторун олоҕор сүрүн оруолу оонньуурун бэлиэтээтэ.
«Биэдэмистибэ үлэтиттэн сирдэр-уоттар сибээстэрэ, социальнай эйгэ, эрэгийиэн тыатын хаһаайыстыбатын уонна бырамыысыланнаһын кыаҕа сайдара тутулуктаах. Министиэристибэ хотугу таһаҕаһы таһыыга, бары кэриэтэ социальнай өҥөлөрү оҥорууга сүрүн оруолу оонньуур. Биэдэмистибэ түмсүүлээх үлэтин түмүгэр Өлүөнэ күргэтин тутуута саҕаланна, Жатайдааҕы судоверфь бастакы түһүмэҕин тутуу үлэлэрэ түмүктэннилэр, Дьокуускайдааҕы уопсастыбаннай тырааныспарын паарката саҥардылынна, «Полярные авиалинии» авиахампаанньаҕа бөртөлөүттэр атыылаһыннылар. Биэдэмистибэ «Олоххо аналлаах инфраструктура» национальнай бырайыак чэрчитинэн федеральнай үп-харчы 100% туһаныытын ситистэ», – диэтэ өрөспүүбүлүкэ бастакы вице-премьерэ.
Дмитрий Садовников быйыл СӨ Ил Дарханын Ил Түмэҥҥэ туһаайан этитиигэр, национальнай бырайыактары уонна маастар-былааннары олоххо киллэриигэ, уопсастыбаннай тырааныспары саҥардыыга уонна суол тутуутугар эбээһинэстэри толорууга көхтөөх үлэни салгыы ыытар наадалааҕын эттэ.
«Биһиги иннибитигэр – саҥа соруктар. 2026 сылга өссө 100-тэн тахса килэмиэтир усталаах суолу үлэҕэ киллэриэхпит, уопсастыбаннай тырааныспар пааркатын саҥардыыны салгыахпыт, Аллараа Бэстээх – Хаандыга тимир суол бырайыагын оҥорууну саҕалыахпыт уонна «Мохэ-Найба» норуоттар икки ардыларынааҕы «көрүдүөрү» тэрийиигэ көхтөөхтүк үлэлиэхпит», – диэтэ Садовников.
Академик Л.К. Эрнст аатынан Сүөһү иитиитин федеральнай чинчийэр киинин – ВИЖ учуонайдара дойду быраактыкатыгар аан…
Муус устар 1 күнүттэн социальнай биэнсийэлэр 6,8% индексацияланыахтара. Үрдээһин кээмэйин хайдах аахпыттарын уонна 2026 сылга…
Айсен Николаев олунньу 6 күнүгэр Арктикатааҕы судаарыстыбаннай ускуустуба, култуура уонна креативнай индустриялар университетыгар сырытта. Үрдүк…
Уус-Алдан улууһугар олунньу 7 -8 күннэригэр «Дыгын оонньууларын» сэттэ төгүллээх кыайыылааҕа Иван Белолюбскай чиэһигэр «Чөмпүйүөн…
Ханнык да кэмҥэ ыччат тиэмэтэ сытыытык турар. Ол сүрүн кыһалҕанан ыччат дьарыктаах буолуута буолар. Ааспыт…
2026 сылга Саха сиригэр 50-тан тахса научнай бырайыак өйөбүлү ылыаҕа. Бу туһунан Үөрэх уонна билим…