Хаартыска: Sakhagov.ru
Нерюнгри оройуонугар быйыл 1,2 мөл. туонна тимир руда хостоноро былааннанар.
Өрөспүүбүлүкэ бырамыысыланнаһын уонна геологиятын министиэристибэтэ иһитиннэрэринэн, 2025 сыл бүтүүтүгэр эрэгийиэҥҥэ 741 тыһыынча туонна тимир рудата хостоммута, бу ол иннинээҕи сылы кытта тэҥнээтэххэ, 26%-нан элбэх.
«Сиваглинскай тимир руданы хостуур сир биһиги өрөспүүбүлүкэбитигэр тимир рудатын хостуур бастакы улахан бырайыагынан буолар. «Мечел» бөлөх ыыппыт киэҥ далааһыннаах үлэтин көмөтүнэн, 2023 сыл сааһыгар хостооһун саҕаламмыта», — диэн бэлиэтээтэ Ил Дархан Айсен Николаев.
Сиваглинскай тимир руданы хостуур сир Нерюнгриттэн 135 килэмиэтирдээх, Амур-Дьокуускай магистральтан 9 килэмиэтирдээх сиргэ баар. Бу сир 2,2 кв. килэмиэтир иэннээх, «Якутуголь» холдинг «Якутская рудная компания» тэрилтэтэ бас билэр. Сиваглинскай тимири хостуур сир Соҕурууҥҥу Саха сирин сайыннарыы бырагырааматын инники күөҥҥэ тутуллар бырайыага буолар.
Ил Дархан Айсен Николаев Судаарыстыбаннай Мунньахха (Ил Түмэн) этиитигэр өрөспүүбүлүкэ туруктаах ресурснай сектора улахан суолталааҕын тоһоҕолоон бэлиэтээбитэ.
«Бу уустук усулуобуйаҕа да сир баайын хостуур бырамыысыланнаска хостооһун көрдөрүүтүн үрдээһинэ мөлтөөбөт. Өрөспүүбүлүкэ дойдуга үрүҥ көмүһү, таас чоҕу, ньиэби, айылҕа гааһын, алмааһы хостооһуҥҥа инники күөҥҥэ сылдьар», — диэн Айсен Николаев эттэ.
Сиһилии: https://www.sakha.gov.ru/news/19614
Диспансеризацияны байыаннай дьайыы бэтэрээннэрэ, уопсайа 1381 киһи барбыт. Бу туһунан СӨ доруобуйа харыстабылын министиэристибэтин нэһилиэнньэҕэ…
Бүгүн, олунньу 2 күнүттэн, Саха сиригэр бырабыыталыстыба отчуота саҕаланна. Муома улууһугар СӨ Бырабыыталыстыбатын Бэрэссэдээтэлин солбуйааччы…
Өрөспүүбүлүкэ борокуруора Сергей Дябкин сорудаҕынан ыытыллыбыт бэрэбиэркэ түмүгүнэн, 2026 сыл тохсунньу 20 күнүгэр икки оҕо,…
«Ымсыыбыттан буолбакка, дьиэбэр айаннаары гыммытым» диэн холуочук сылдьан массыына уоран баран, айаннаан иһэн алдьаппыт кыыс…
Тохсунньуга Хотугулуу-Илиҥҥи федеральнай университет технологическай полигонугар JAC Motors Кытай хампаанньатын массыыналарын тургутуу ыытыллыбыта. Инженердэр JAC…
Саха сиригэр 642 киһи байыаннай сулууспалаах эмтэнэр сиригэр тиийэргэ материальнай көмөнөн туһанна. Бу туһунан СӨ…