Быйыл 1475 оҕону төрөппүттэрэ сахалыы ааттаабыттар

Саха сиригэр сыл саҕаланыаҕыттан 6422 оҕо күн сирин көрбүт: 3265 уол, 3157 кыыс. Олортон 1475 оҕону төрөппүүттэрэ сахалыы ааттаабыттар. Бу туһунан Саха сиринээҕи ЗАГС управлениета иһитиннэрэр. 

Үгүс төрөппүт сүрэхтээбит ааттарынан буолаллар: уолаттарга — Эркин (51), Эрсан (40), Дьулуур (37), Арылхан (36), Эрхан (31), Айтал (29), Айхал (25), кыргыттарга – Сайаана (36), Сандаара (33), Мичийэ (30), Айаана (26), Кэрэли (25), Дайаана (19), Нарыйаана (19).

Сэдэх ааттарынан саҥа төрөөбүт уолаттары Айыы–Сиэнэ–Хотой, Алгыс Боотур, Одун Хаан, Рихард-Сүргэн, онтон кыргыттары Күн-Күбэйэ, Күн-Куо-Милана, Сайа-Кэрэл, Тапталаана-Любовь диэн ааттаабыттар.