Хаартыска Ил Дархан пресс-сулууспатыттан
Саха сиригэр быйыл 162 мөлүйүөн устуука сымыыты ылар былаан турар. Ааспыт сылы кытары тэҥнээтэххэ, 7 мөл. устууканан эбэтэр 4,5% улаатыахтаах. Сымыыты оҥорон таһаарыы маннык кэриҥэ өрөспүүбүлүкэ нэһилиэнньэтин туһаныытын 55% хааччыйыа. Бу туһунан Ил Дархан пресс-сулууспата иһитиннэрэр.
Көтөр иитиитин бородууксуйатын оҥорон таһаарыынан өрөспүүбүлүкэҕэ сүрүннээн бөдөҥ хаһаайыстыбалар дьарыктаналлар. Бааһынай хаһаайыстыбалар уонна көннөрү хаһаайыстыбалар өлүүлэрэ 9,5% тиийэр.
Оттон көтөр этин оҥорон таһаарыы былаана – 3,3 тыһыынча туонна. Бу өрөспүүбүлүкэ көтөр этин оҥорон таһаарыытын уопсай кэриҥиттэн 8% ылар.
Өрөспүүбүлүкэҕэ көтөр сымыытын оҥорон таһаарыытын сыл аҥарынааҕа түмүгүнэн 85,87 мөлүйүөн устуука буолан, ааспыт сыллааҕы көрдөрүүттэн 16,4% улааппыта бэлиэтэннэ.
Көтөр төбөтүн ахсаана 2023 с. от ыйын 1 күнүнээҕи туругунан 31% тахса улаатта уонна мөлүйүөн курдук төбөҕө тиийдэ. Былырыын 773,7 төбө баара. Саха сиригэр көтөрү иитиинэн дьарыктанар биир бөдөҥ тэрилтэнэн Дьокуускйадааҕы көтөр фабриката буолар. Тэрилтэ бүгүҥҥү күҥҥэ эрэллээхтик 83-84 мөлүйүөн устуука сымыыты сылга оҥорон таһаарар буолла.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…