Хаартыска: СИА.
Бу сыл үс ыйыгар 180 ыалга гааһы киллэрдилэр — учаастактарын иһинэн турбалары тартылар, гаас билиитэтин атыылаһан туруордулар. Бу ыаллар ортолоругар анал байыаннай дьайыы кыттыылаахтарын дьиэ кэргэттэрэ эмиэ бааллар. Бу туһунан бырамыысыланнас, геология министиэристибэтэ иһитиннэрэр.
Бу көмө бырамыысыланнас уонна үлэ, социальнай сайдыы министиэристибэлэриттэн кэлэр. Бырамыысыланнас, геология министиэристибэтин бырагырааматынан, ыаллар киин ититии ситимиттэн гааска көһүү ороскуоттарын 75%-на толуйуллар. Оттон үлэ, социальнай сайдыы министиэристибэтиттэн социальнай гаастааһын бырагырааматынан кыаммат, элбэх оҕолоох ыалларга бэриллэр.
Ордук элбэхтик Дьокуускай, Хаҥалас, Чурапчы, Горнай улуустарыттан сайаапкалар киирэллэр. Бырагыраама чэрчитинэн, барыта 20 тыһыынчаттан тахса киһи дьиэтигэр гааһы киллэрбиттэр.
Быйыл бырамыысыланнас министиэристибэтэ Мэҥэ Хаҥалас улууһун Лоомтукатыгар уонна Чурапчы улууһун Уһун Күөл сэлиэнньэлэригэр гааһы киллэрэр былааннаах. Ону тэҥэ, социальнай гаастааһын бырагыраамата салгыы үлэлиир. Бу социальнай гаастааһын бырагырааматын олоххо киллэриигэ Саха сирэ Уһук Илиҥҥэ лиидэр буолбута.
Бүгүн, ыам ыйын 17 күнүгэр, Амма улууһугар Олоҥхо ыһыаҕын тэрийэр кэмитиэт мунньахтаата. СӨ Бырабыыталыстыбатын бэрэссэдээтэлин…
2024 сылга Саха сиригэр 76 социальнай эбийиэги тутары былаанныыллар. Олор истэригэр сорох тутуулар национальнай бырайыак…
Бүгүн Кэбээйи улууһун дьаһалтатын социальнай хантараагынан судаарыстыбаннай социальнай көмөнү оҥорууга хамыыһыйа быйылгы сыл 4 ыйынааҕы…
Былырыын Чурапчы улууһугар түөрт оҕоҕо бэйдиэ сылдьар ыттар саба түһэн эмсэҕэлэппиттэрэ. Бэйдиэ сылдьар ыттары көрүүгэ-истиигэ…
Өлүөнэ өрүскэ муус хойуутук устан Дьокуускай, Нам, Мэҥэ Хаҥалас оройуоннарынан ааһар. Уу таһыма Кангаласс микро-оройуонугар…
Бүгүн Ил Дархан Айсен Николаев Арассыыйа-Кытай ЭКСПО-ҕа РФ бэрэсидьиэнэ Владимир Путиҥҥа уонна Кытай норуодунай өрөспүүбүлүкэтин…