Быйыл 1800 дьиэ гааска холбонуоҕа

Ааспыт сылга 2800 дьиэ «күөх төлөҥҥө» холбоммут. Быйылгы былаан — 1800 диэн Ил Дархан Айсен Николаев суруналыыстары кытары көрсүһүү кэмигэр иһитиннэрдэ.

Бэрэсидьиэн сорудаҕынан, «Газпром» бырабылыанньатын бэрэссэдээтэлэ А.Б. Миллери кытта кэпсэтии түмүгэр, «Сибиир күүһэ» гаас ситимин кытта ыкса турар нэһилиэнньэлээх пууннар гааска холбонуохтара. Бу — Өлүөхүмэ, Ленскэй, Алдан, Нерюнгри улуустарын нэһилиэнньэлээх пууннара.