Үлэ, социальнай сайдыы министиэристибэтин пресс-сулууспата.
Быйыл Саха сиригэр 640 мөлүйүөн курдук суумаҕа 2,7 тыһыынчаттан тахса социальнай хантараак түһэрсиллэрэ былааннанар. Бу туһунан өрөспүүбүлүкэ Үлэҕэ уонна социальнай сайдыыга миниистирин бастакы солбуйааччы Альбина Трубина “Якутия 24” ханаалыгар “Актуальное интервью” биэриигэ иһитиннэрдэ.
«СӨ Ил Дархана дьадайыыны утары охсуһуу дьаһалларын туһунан Ыйааҕын чэрчитинэн, социальнай хантараак кыра дохуоттаах нэһилиэнньэни социальнай өйөөһүн механизмынан буолар. Бу судаарыстыбаннай социальнай көмө оҕолордоох дьиэ кэргэттэргэ уонна кыра дохуоттаах соҕотох олорор дьоҥҥо үлэлээх буолалларыгар, бэйэ дьыалатын арыйалларыгар, ону сэргэ олох ыарахан балаһыанньатыттан тахсалларыгар бэриллэр. Ону таһынан доруобуйаларынан хааччахтаах уонна үлэлээбэт биэнсийэлээхтэргэ ураты усулуобуйалаах анал бырагыраамалар бааллар”, — диэтэ Альбина Трубина.
2024 сылтан Ил Дархан Айсен Николаев сорудаҕынан тус хаһаайыстыбаны уонна урбаан үлэтин тэрийэргэ социальнай хантараак кээмэйэ биисинэс-былаантан көрөн (ороскуоттар сметаларыттан) 500 тыһыынчаҕа суумаҕа тиийэр.
2025 сылга киирбит биир суолталаах уларыйыынан судаарыстыбаннай өҥөҕө наадыйар дьиэ кэргэни быһаарарга, орто дохуотун ааҕарга оҕо төрөөһүнүнэн бэриллэр ыйдааҕы пособие учуоттаммата буолар.
Санатан эттэххэ, социальнай хантараак элбэх оҕолоох, байыаннай дьайыы кыттыылаахтара оҕолордоох дьиэ кэргэттэри уонна кинилэр дьиэ кэргэттэрин чилиэннэрин кытары түһэрсиллэр.
Социальнай хантараагы түһэрсэргэ социальнай көмүскэл органыгар эбэтэр олорор сиргинэн муниципальнай тэриллии дьаһалтатыгар сайабылыанньа бэриллэр. Сайабылыанньаны судаарыстыбаннай уонна муниципальнай өҥөлөр порталларынан (http://www.e-yakutia.ru/) эбэтэр Элбэх хайысхалаах киин (МФЦ) нөҥүө эмиэ бэриллэр.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…