Хаартыска: Тыа хаһаайыстыбатын министиэристибэтэ.
Ыам ыйын 22 күнүгэр — сайын кэлбит күнүгэр Сайылык күнэ бэлиэтэниэҕэ. Быйыл 300-тэн тахса сайылык үлэлиэҕэ диэн Тыа хаһаайыстыбатын министиэристибэтэ иһитиннэрэр.
Сайылыктарга 35 тыһыынча кэриҥэ сүөһү, ол иһигэр 17 тыһыынча ыанар ынах тахсан, күөххэ мэччийиэҕэ. Барыта 309 сайылык баарыттан, 285 сайылыкка үүтү ыыллар, 24 сайылыкка сүөһүнү аһаталлар, уоталлар. Ол иһигэр, 255 сайыҥҥы пиэрмэҕэ аныгылыы ыыр тэриллэрдээхтэр.
Сайыҥҥы кэм устата 1,5 тыһыынча исписэлиис: ыанньыксыттар, бостууктар, осеменатордар, учуотчуктар, ньирэй көрөөччүлэр үлэлиэхтэрэ.
Аан бастакынан, ыам ыйын 2 күнүгэр Амма улууһугар Күллэги сайылыкка «Саха сүөһүтэ» тэрилтэ 172 сүөһүнү, ол иһигэр, 54 ыанар ынаҕы үүрэн таһаарда. Бу тэрилтэҕэ барыта 1433 төбө саха сүөһүтэ, ол иһигэр 458 ыанар ынах баар. Ыам ыйын 12 күнүгэр диэри сүөһүлэрин бүтүннүү сайылыктарга көһөрдүлэр.
Сайылыкка тахсыы хаһаайыстыбаларга улахан суолталаах тэрээһин буолар. Сүөһү күөххэ тахсан, тута төлөһүйэр, үүтэ эбиллэр, хаачыстыбат тупсар. Сайын устата 40-50 тыһыынча туонна үрдүк хаачыстыбалаах үүт оҥоһуллар. Онон өрөспүүбүлүкэ үрдүнэн хаһаайыстыбалар сайылыкка тахсан эрэллэр, бэлэмнэнэллэр.
Кэлиҥҥи кэмҥэ агро-оскуолалар эбии үөрэхтээһин хайысхатын таба туһанан, бэйэ бородууксуйатын оҥорон таһаарыыга, оҕону урбаан салаатыгар…
Икки сыл анараа өттүгэр, 2024 сыл олунньу 15 күнүгэр, Арассыыйа Федерациятын Бэрэсидьиэнин Ыйааҕынан байыаннай иэһин…
Олунньу 15 күнэ Арассыыйаҕа – ураты күн, бу күҥҥэ дойду үрдүнэн Аҕа дойду тас өттүгэр…
Дьокуускайга ыытылла турар Уһук Илин эргэгийиэннэр сүүмэрдэммит хамаандаларын художественнай гимнастикаҕа биирдиилээн бастыыр иһин күрэхтэһиилэрэ Саха…
Өрөспүүбүлүкэтээҕи 2 №-дээх балыыһаҕа-Мэдиссиинэ Суһал көмөтүн киинигэр Саха сирин улуустарын Киин балыыһалара, поликлиникалар, атын балыыһалар…
Эспиэрдэр бэлиэтииллэринэн, дойду тэбэр сүрэҕэр Москваҕа ааттаах-суоллаах улахан эрэстэрээннэр сабыллыыларын улахан долгуна бэлиэтэннэ. Бу маннык…