Быйыл 473 оҕо оскуоланы мэтээлинэн бүтэрбит

СӨ үөрэҕин уонна билимин миниистирэ Ирина Любимова социальнай ситимнэринэн быһа сибээс кэмигэр үөрэххэ сыһыаннаах түмүктэри кэпсээтэ.

— Бүтүн Арассыыйатааҕы үөрэнээччилэр биридимиэттэринэн олимпиадаларыгар Саха сириттэн 7 оҕо миэстэлэспит;

— 473 оҕо оскуоланы көмүс мэтээлинэн бүтэрбит;

— биир кэлим эксээмэни 21 оҕо 100 баалга туттарбыт;

— хотугу идэлэргэ маастарыстыбаны көрдөрөр бастакы хамсааһынтан, “Эдэр профессионаллар”, Евразийскай, “Абилимпикс” чөмпүйэнээттэртэн үгүс мэтээллээх, медальоннаах кэлбиттэр.