Хаартыска: sakhagov.ru
2025 сылга Саха сиригэр биэс муоста тутуллан бүтэрэ былааннанар. Бу туһунан тырааныспар уонна суол хаһаайыстыбатын миниистирэ Владимир Сивцев быһа эпиир кэмигэр иһитиннэрдэ.
«Министиэристибэ биир сүрүн соругунан муосталары тутуу уонна өрөмүөннээһин буолар. Сылы эргиччи сиринэн харгыһа суох айаны хааччыйыы — биһиги сүрүн соруктарбытыттан биирдэстэрэ. Сунтаар оройуонугар Улахан Харыйалаахха муоста тутуллан бүттэ. «Анаабыр» эрэгийиэннээҕи суолга Бүлүү өрүһү туоруур муостаҕа үлэ бара турар уонна «Яна» суолга үлэ салҕанар. «Яна» эрэгийиэннээҕи суолга Тополинай сэлиэнньэтигэр диэри кыһыннары-сайыннары сылдьарга Уулаах уонна Кураанах үрэхтэри туоруур муосталар тутуллаллар. Бу муосталар хайаан да саҥардыллан, үлэҕэ киириэхтэрэ», — диэн бэлиэтээтэ миниистир.
Санатан эттэххэ, 2019 -2024 сылларга суолу өрөмүөннүүр бырагыраама чэрчитинэн, 55 муостаны өрөмүөннээбиттэр, туппуттар. Олортон, Арассыыйа бэрэсидьиэнэ Владимир Путин көҕүлээһининэн ыытыллыбыт «Куттала суох, үрдүк хаачыстыбалаах суоллар» национальнай бырайыагын чэрчитинэн, мөлтөх туруктаах, 1600-тэн тахса погоннай миэтэрэлээх искусственнай тутуулар өрөмүөннэммиттэрэ.
Ааллаах-Үүн, Нүүйэ, Томпорук, Мэҥкүлэ, Ольчан, Куйдуһун, Хатыҥ-Үрэх, Күбэмэ, Чуоналыыр, о.д.а. үрэхтэргэ муосталар тутуллубуттара.
2025 сылтан ыла суоллары, муосталары тутуу, өрөмүөннээһин үлэтэ саҥа «Олоххо инфраструктура» национальнай бырайыагынан ыытыллар.
Сиһилии: https://www.sakha.gov.ru/news/11996
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…