Хаартыска -- Айаал Неустроев тиксэриитэ
2024 сылга Саха сиригэр «Безопасные качественные дороги» бырагырааманан алта муостаны туттулар. Бу туһунан массыына суолун управлениета иһитиннэрэр.
Мииринэй оройуонугар «Анаабыр» суолга Чуоналыыр үрэҕи туоруур муоста уһуна 80 миэтэрэ, киирэр-тахсар суолунуун 1 килэмиэтир уһуннаах.
Кэбээйи улууһугар «Кэбээйи» суолга Хатыҥ Үрэҕи туоруур муоста уһуна 47 миэтэрэ, киириитин-тахсыытын кытта — 4 килэмиэтир уһуннаах. Онон Кэбээйи сэлиэнньэтин олохтоохторо кыһыннары-сайыннары «Бүлүү» федеральнай суолунан сылдьар буоллулар.
Томпо улууһугар «Яна» суолга Ольчан үрэҕи туоруур муоста уһуна 50 миэтэрэ, киириитин-тахсыытын кытта 0,5 килэмиэтирдээх. Бу суолунан Дьааҥы, Усуйаана улуустарыгар таһаҕас, ас-үөл тиэйиллэр.
Сунтаар улууһугар Уустуйа-Кэмпэндээйи суолугар Куччугуй Харыйалаах уонна Орто Харыйалаах үрэхтэргэ муосталар өрөмүөннэннилэр.
Маны тэҥэ, Куйдуһун үрэҕи туоруур 298 миэтэрэлээх муоста сөргүтүлүннэ.
2024 сылга барыта 4,8 км уһуннаах муосталар тутулуннулар. 2019-2024 сылларга «Безопасные качественные дороги» национальнай бырайыагынан Саха сиригэр 1435 км уһуннаах суол оҥоһулунна.
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…