Бэрэсидьиэн Уһук Илиҥҥэ боломуочуйалаах бэрэстэбиитэлэ Юрий Трутнев 2022 сыл түмүктэрин таһаарар уонна үүммүт сылга соруктары туруорар сыаллаах мунньаҕы ыытта. Ил Дархан Айсен Николаев бу мунньахха кыттан, быйыл өрөспүүбүлүкэҕэ муҥутуур элбэх социальнай эбийиэк тутулларын туһунан иһитиннэрдэ.
— 2023 сылга 72 эбийиэги, ол иһигэр – 12 култуура дьиэтин, 26 доруобуйа харыстабылын, 6 уһуйааны, 9 спортивнай, 1 эбии үөрэхтээһин, 1 социальнай хааччыйыы эбийиэктэрин тутар былааннаахпыт. Ону тэҥэ, 2023 сыл 20 оскуоланы тутан киллэрбит сыл быһыытынан устуоруйаҕа хаалыаҕа. Бу бу биир сылга хаһан да тутулла илик муҥутуур көрдөрүү, — диэн Айсен Николаев эттэ.
Ил Дархан 2022 сылга экэниэмикэҕэ түмүктэри кэпсээтэ. 2019 сылтан Саха сирин экэниэмикэтэ Уһук Илин эрэгийиэнигэр баалабай эрэгийиэннээҕи бородуукта (ВВП) кээмэйинэн бастаан иһэр. Кэнники 5 сылга үгүс көрдөрүүлэринэн бастыҥ түмүктэрдээх, ол иһигэр, бырамыысыланнай оҥорон таһаарыыга, демографияҕа, инвестициялары киллэриигэ, уо.д.а. Былырыын бырамыысыланнаска оҥорон таһаарыы 110,6% үрдээтэ. Экэниэмикэҕэ үүнүү уонна федеральнай киин өйөбүлэ социальнай эйгэҕэ соруктары быһаарарга көдьүүстээхтэр диэн Ил Дархан эттэ.
— Бэрэсидьиэн Владимир Путин өйөбүлүнэн, Уһук Илин эрэгийиэннэрэ көхтөөхтүк сайдаллар. Олорор дьиэни тутуу, тыа хаһаайыстыатын бородууксуйатын элбэтии, сүрүн хапытаалга инвестициялары улаатыннарыы курдук көрдөрүүлэр эмиэ үрдээтилэр, — диэн Айсен Николаев бэлиэтээтэ.
Национальнай рейтиҥҥэ Саха сирин инвестиционнай килиимэтин туруга Уһук Илин эрэгийиэннэрин ортолоругар 2-с миэстэлээх. 2018 сылтан өрөспүүбүлүкэ экэниэмикэтигэр 2 триллион солкуобай инвестицияламмыт. Бу Уһук Илин эрэгийиэннэригэр муҥутуур кээмэй буолар. 2022 сылга инвестиция кээмэйэ 471 миллиард солкуобайга тэҥнэһэн, 2021 сыллааҕар 5,1%-нан үрдээбит.
Ытык-мааны Таатта сиригэр-уотугар "Манчаары" оонньуулара ыытыллыбыта нэдиэлэ буолла. Бүгүн быһаарыылаах түмүк күн. Хас күн ахсын…
«Мэйии. Үгэс. Ыра санаа» документальнай киинэ сүрэхтэниитэ 2025 сыл балаҕан ыйыгар Дьокуускайга, Санкт-Петербурга уонна Москваҕа…
Бүгүн үс күннээх V өрөспүүбүлүкэтээҕи «Yлэ, иис күрэҕэ» иистэнньэҥ ийэлэр уонна волонтердар күрэстэрэ, «Кыайыы 50…
Кэлэр нэдиэлэҕэ Дональд Трамп, АХШ-ка 500%-наах пошлиналаах сааҥсыйатын бакыата ырытыллар кэмигэр, «Арассыыйа туһунан улахан суолталаах…
Сыл аайы сөтүөлүүр кэм саҕаланыыта уончанан киһи ууга ыстанарга биир сэрэҕэ суох хамсаныыттан сиһин тоноҕоһун…
Арассыыйа Бэрэсидьиэнэ Владимир Путин судаарыстыбаннай тыл бэлиитикэтин сүрүннэрин бигэргэтэр туһунан ыйаахха илии баттаата. Бу ыйаах…