Хаартыска: sakha.gov.ru саайтан
Саха сиринээҕи “Аҕа дойдуну көмүскээччилэр” судаарыстыбаннай пуонда филиала бойобуой дьайыы бэтэрээннэригэр – байыаннай дьайыы кыттыылаахтарыгар уонна өлбүт байыаннай сулууспалаахтар дьиэ кэргэттэрин чилиэттэригэр көмөнү-өйөбүлү оҥорор-тэрийэр үлэтин салгыыр, диэн иһитиннэрэр СӨ Ил Дарханын уонна Бырабыыталыстыбатын пресс-сулууспата.
“Быйыл атырдьах ыйын 1 күнүнээҕи туругунан пуонда филиалыгар 3300 киһиттэн – байыаннай дьайыы кыттыылаахтарыттан уонна кинилэр дьиэ кэргэттэриттэн 14 тыһыынчаттан тахса ыйытыы киирбит, олортон 90%-на этэҥҥэ быһаарылынна”, – диэтэ атырдьах ыйын 6 күнүнээҕи брифиҥҥэ Саха сиринээҕи “Аҕа дойдуну көмүскээччилэр” судаарыстыбаннай пуонда филиалын салайааччыта Алексей Александров.
Социальнай координатордар 2177 киһини, бойобуой дьайыы бэтэрээннэрин уонна байыаннай дьайыыга өлбүт байыаннай сулууспалаахтар дьиэ кэргэттэрин чилиэттэрин кэлим арыаллаан илдьэ сылдьаллар. 600-тан тахсата кинилэр дьиэлэригэр бара сырыттылар.
Маны тэҥэ кини пуонда байыаннай дьайыы кыттыылаахтарын кытта сибээһин быыстала суох тупсара турар диэтэ. Көмүскээччи эрдэттэн филиалга приемҥа суруйтарар, ону тэҥэ Госуслуга порталыгар туох өйөбүл баарын киирэн билсиэн сөп. Пуонда филиалыгар консультацияҕа уонна приемҥа Госуслуга нөҥүө “Робот Макс” чат-ботунан суруйтарыахха сөп.
Туһааннаах боппуруостарын быһаартарарга байыаннай сулууспалаахтар уонна кинилэр чугас дьонноро эрэгийиэннээҕи “итии лииньийэҕэ” 122 (1 эп) эрийэн тахсыахтарын сөп. Атын эригийиэннэртэн эрийэргэ — 8(4112)510-122. Бэтэрээннэргэ уонна байыаннай дьайыы дьоруойдарын дьиэ кэргэттэригэр наадалаах сонун “ЗО”– fzo.gov.ru. пуонда саайтыгар угуллар.
ИДьМ 2-с нүөмэрдээх полиция салаатын дознавателэ куорат биир оскуолатыгар тахсыбыт быһылаанынан РФ Холуобунай Кодексын 163-с…
Быйыл күһүн Мэҥэ Хаҥалас улууһугар Маттаҕа аҕам саастаах уонна доруобуйаларынан хааччахтаах дьон дьиэлэрэ үлэҕэ киириэхтээх.…
Ил Дархан Айсен Николаев 2024 сыл түмүгүнэн “Водоканал” АУо үпкэ-хаһаайыстыбаҕа үлэтин түмүгүн көрөр мунньахха, Дьокуускай…
Көлүөнэттэн-көлүөнэҕэ бэриллэр бит-билгэ арааһа баар. Үгүс дьон онно олуһун итэҕэйэр, оттон сорохтор наадыйбаттар, улахаҥҥа уурбаттар.…
АЛРОСА Саха сирин бырабыыталыстыбатын уонна Хотугу сир аҕыйах ахсааннаах төрүт норуоттарын ассоциациятын кытары хардарыта бииргэ…
Ил Дархан Айсен Николаевы кытта көрсүһүүгэ судаарыстыбаннай тэрилтэлэр уонна уопсастыбаннай хааччыйыы үлэһиттэрин идэлээх сойуустарын биэс…