Хаартыска: СИА
РФ Бэрэсидьиэнэ Владимир Путин көҕүлээбит «Куттала суох уонна хаачыстыбалаах суоллар» национальнай бырайыак иитинэн, быйыл Саха сиригэр «Амма» суолга 17,2 км суолу аспаалынан бүрүйэр былаан баар. Бу Мэҥэ Хаҥалас уонна Амма оройуоннарын сиригэр-уотугар оҥоһуллуоҕа диэн СӨ Ил Дарханын уонна Бырабыыталыстыбатын дьаһалтатын пресс-сулууспата иһитиннэрэр.
Ити курдук, «Мегинские магистрали» тэрилтэ 24-30,5-с км суолу нуормаҕа түһэриэҕэ. Бу суол устата — 6,5 км. Билиҥҥи туругунан, бу үлэ бырайыага оҥоһуллар, макеттар бигэргэннилэр, матырыйаал бэлэмнэннэ. Геодезическай үлэлэр ыытыллалларыгар дуогабар баттаммыт.
Оттон Мэҥэ Хаҥалас оройуонугар баар 82,3-86-с км суол учаастагын өрөмүөнүгэр «Мегино-Кангаласские автомобильные дороги» тэрилтэ үлэтин саҕалаата. Бүгүҥҥү күҥҥэ бэдэрээттиир тэрилтэ матырыйаалын аҕаларга, суол балаһатын нуормаҕа түһэрэргэ, геодезическай үлэлэргэ бэлэмнэниини ыытар.
Амма оройуонугар 148-155-с км суолу «РИК Автодор» тэрилтэ оҥорор.
Санатан суруйдахха, Ил Дархан Айсен Николаев «Амма» суолу Амма сэлиэнньэтигэр тиийэ нуормаҕа түһэрэргэ соруйбута. Ити курдук 2028 сылга 180 км суол аспаалынан бүрүллүөхтээх.
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…
Дойдутааҕы МАХ мессенджергэ 75 мөлүйүөн туһанааччы бэлиэтэннэ. Платформа пресс-сулууспата иһитиннэрбитинэн, ахсынньыга сервиһи ортотунан суукка аайы…
Саҥа дьыллааҕы бырааһынньыктар иннинэ түөкүттэр былаас аатыттан сымыйа төлөбүрдэринэн уонна «бэлэхтэринэн» албынныыр ньыманы көхтөөхтүк туһанан…