Хаартыска: pxhere.com/ru
Быйылгы сыл эксээмэнин сүрүн түһүмэҕин ыытарга 5,8 тыһ. тахса эксээмэн тутар пууну тэрийиэхтэрэ, хас биирдиитигэр куттал суох буолуутун хааччыйыахтара. Ити туһунан РФ Үөрэҕириитин миниистирэ Сергей Кравцов дойду бэрэсидьиэнэ миниистирдэри кытта ыыппыт мунньаҕар эттэ.
“Ыам ыйын 26 күнүттэн биир кэлим эксээмэн (ЕГЭ) сүрүн түһүмэҕэ саҕаланар. Үөрэҕи уонна билими кэтээн көрөр федеральнай сулууспаны уонна Арассыыйа ИДьМ кытта эксээмэн кэмигэр куттал суох буолуутун хааччыйар уонна уопсастыбаннай бэрээдэги көрөр үлэни ыытабыт. Эксээмэн тутар пууннары терроризмтан утары харыстыыр миэрэлэри ылынабыт, пууммут аҕыйаҕа суох – 5800. Ураты болҕомтону кыраныысса аттынааҕы сирдэргэ, Арассыыйа саҥа эрэгийиэннэригэр уурабыт”, — диэн Сергей Кравцов бэлиэтээтэ.
Ону тэҥэ, миниистир эксээмэн ис чааһын сылтан-сыл тупсаран иһэллэрин, тест чааһа суоҕун эттэ.
“Быйыл биир кэлим эксээмэни (ЕГЭ) 700 тыһ. тахса оҕо туттарыаҕа. Естественнэй-научнай үөрэҕи ордук сэҥээрэллэр, гуманитарнай салаалартан ордук педагогиканы талаллар, быраас, учуутал буолар баҕалаахтар”, — диэн Үөрэҕирии миниистирэ иһитиннэрдэ.
Быйыл биологияны 137,5 тыһ. оҕо талбыт, бу ааспыт сылы кытта тэҥнээтэххэ 17 тыһ. элбэх. Устуоруйаҕа былырыыҥҥытааҕар 18,5 тыһ. элбэх оҕо суруйтарбыт. Физиканы 110 тыһ. киһи туттарар былааннаах, бу 4 тыһ. элбэх.
“Информатикаҕа эксээмэни туттарар оҕо биллэ эбилиннэ, бу сылга хас бэһис оҕо талла”, — диэн Сергей Кравцов эттэ. Ити туһунан СӨ Үөрэҕин уонна билимин министиэристибэтэ сырдатар.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…