Быйыл биир кэлим эксээмэни туттарыыга барыта 8385 киһи бэлиэтэммит

Быйыл биир кэлим эксээмэни туттарыыга Саха сиригэр барыта 8385 киһи бэлиэтэниини ааспыт (регистрация). Сүрүннээн ханнык биридиэттэри талбыттар?

СӨ үөрэх хаачыстыбатын кэтээн көрөр киин иһитиннэрбитинэн, эксээмэн туттарааччылар сүрүннээн обществознание, математика (уустугурдуллубут), физика, биология, информатика, химия биридимиэттэрин талбыттар.

Биирдиилээн биридимиэттэринэн ырытан көрдөххө маннык:

Нуучча тыла — 97,9 %

Математика (уустугурдуллубут) — 31 %

Физика — 11 %

Химия — 10,5 %

Биология — 15,3 %

Устуоруйа — 10,9 %

География — 2,2 %

Ааҥыл тыла — 9,3 %

Ньиэмэс тыла  — 0 %

Француз тыла- 0 %

Обществознание — 34,3 %

Кытай тыла — 0,04 %

Литэрэтиирэ — 8,3 %

Математика (судургутутуллубут) — 66,5 %

Информатика (КЕГЭ) — 16,7 %

Ааҥыл тыла (тылынан) — 9,3 %

Ньиэмэс тыла (тылынан) — 0 %

Француз тыла (тылынан) — 0 %

Кытай тыла (тылынан) — 0,04 %

Нуучча тыла (ГВЭ) — 1,5 %

Математика (ГВЭ) — 1,5 %

Төрөөбүт тыл уонна литэрэтиирэ (ЕРЭ) — 0,2 %.

Тустаах киин дириэктэрин солбуйааччы Таисия Иванова: “РФ Үөрэҕириитин министиэристибэтэ уонна Үөрэх, билим хаачыстыбатын кэтээн көрөр федеральнай сулууспа 2025 сыллааҕы биир кэлим эксээмэн наардалын (расписание) бигэргэтэр бирикээһи таһаарбыттара. Былырыыҥҥы курдук тутар хампаанньа түмүктэниэр диэри оҕолор биир биридимиэти хаттаан туттарар кыахтаахтар” – диэн этэр.

Санатан эттэххэ, сүрүн түһүмэх иннинээҕи түһүмэх (досрочный период) кулун тутар 21 – муус устар 21 күннэригэр, сүрүн түһүмэх (основной период) ыам ыйын 23 күнүттэн саҕаланыахтара.  Хаттаан туттарыы  от ыйын 3 уонна 4 күннэригэр буолуоҕа.