СӨ Ил Дарханын уонна Бырабыыталыстыбаты пресс-киинин хаартыската
Өрөспүүбүлүкэҕэ «Култуура» национальнай бырайыагын чэрчитинэн барар тэрээһиннэр, ону тэҥэ хантараактар туолуулара кыраапык быһыытынан бириэмэтигэр баран иһэллэр. Ол туһунан РФ култууратын миниистирин солбуйааччы Надежда Преподобная бэрэссэдээтэллээх мунньахха бэлиэтэннэ.
СӨ Бырабыыталыстыбатын бэрэссэдээтэлин солбуйааччы Сергей Местников эппитинэн, өрөспүүбүлүкэҕэ национальнай бырайыактарынан ситэри үлэлээбэт эрэгийиэн диэн дьиксиннэрэр төрүөтэ суох.
Бу сылга Саха сиригэр нацбырайыактары үбүлээһин кэриҥэ биллэрдик улаатан 984,78 мөл. солк. буолла, ол иһигэр федеральнай бүддьүөттэн 506,62 мөл. солк. кэлэр.
«Култуура» национальнай бырайыагы үбүлээһин кэриҥэ сылтан сыл өрөспүүбүлүкэ Арассыыйа Бырабыыталыстабытын, РФ Култуураҕа минитирэристибэтин таһымыгар ыытар үлэтин түмүгэр федеральнай бүддьүөттэн улахан үбүлээһин көрүллэр. Федеральнай субсидиянан тыа сиригэр инфраструктура биллэрдик тупсар», — диэн Сергей Местников мунньах түмүгүнэн эттэ.
Ол курдук, 2023 с. култуура икки эбийиэгэ – Бүлүү улууһун Тыымпытыгар уонна Сунтаар улууһн Кэмпэндээйитигэр Култуура дьиэлэрэ үлэҕэ киириэхтэрэ. Эһиил, 2024 с. Аллараа Бэстээххэ Култуура киинэ, ону сэргэ Сунтаар Кириэстээҕэр уонна Чурапчы Толоонугар Култуура дьиэлэрэ тутуллуохтара.
Итини таһынан, бу бырайыак чэрчитинэн, музейдар, Оҕо ускуустубатын оскуолалара, тыа сирин кулууптара хапытаалынай өрөмүөнү ааһыахтара, оборудованиеларынан, музыкальнай инструменнарынан хааччыллыахтара.
Санатар буоллахха, ааспыт сылга үбүлээһин кэриҥэ 541,07 мөл. солк., ол иһигэр федеральнай бүддьүөттэн – 356,34 мөл. солк. этэ.
СӨ Ил Дарханын уонна Бырабыыталыстыбатын дьаһалтатын пресс-сулууспата.
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…