Хаартыска: Андрей Сорокин, СИА.
«Куттала суох уонна хаачыстыбалаах суоллар» национальнай бырайыак чэрчитинэн «Халыма» федеральнай айан суола өрөмүөннэнэн Чурапчыга диэри асфальт суол тиийдэ. Оттон Саха сирин суолларын пуондатын кытта сөбүлэһии чэрчитинэн быйыл улуус киинигэр Ленин уулуссатын өрөмүөнэ түмүктэниэҕэ. Ол туһунан Ил Дархан Айсен Николаев «Прямой разговор» биэрии кэмигэр иһитиннэрдэ.
«Национальнай бырайыактарынан суолу тутууга уонна чөлүгэр түһэриигэ үп-харчы көрүллэр. Өрөспүүбүлүкэҕэ «Халыма» айан суолугар асфальт ууруута салҕанар. Сотору кэминэн Чурапчыттан салгыы эмиэ баар буолуоҕа. Суол оҥоһуллан билигин оптуобустар оройуоннар икки ардыларынан сырыылара саҕаланна, ол иһигэр «Чурапчы-Аллараа Бэстээх-Чурапчы» хайысханан. Улуус баһылыга уонна бырабыыталыстаба чилиэннэрэ эпиттэринэн, бастакы пассажирдар оптуобуһунан айаны үчүгэйдик сыаналаабыттар», — диэн Айсен Николаев бэлиэтээтэ.
Маныаха Ил Дархан Чурапчы улууһун киинигэр суол өрөмүөнүн боппуруоһа турарын бэлиэтээтэ. Билигин манна Ленин уулуссата өрөмүөннэнэр. Бу үлэҕэ 50 мөл. солк. көрүллүбүт.
«Үлэ болдьоҕо бүтүө диэн эрэнэбин. Быйыл олохтоохтор хаачыстыбалаах федеральнай суолу таһынан, сэлиэнньэ иһигэр эмиэ үчүгэй суолланыахтаахтар», — диэн Николаев эттэ.
“70-80-с сылларга төрөөбүт дьоҥҥо судаарыстыбаттан босуобуйа төлөнөр, онон бу ыйыллыбыт сигэҕэ киириҥ” диэн иһитиннэрии ааспыкка…
Ил Дархан Айсен Николаев Кириэмилгэ Владимир Путин бэрэссэдээтэллиир РФ Судаарыстыбаннай Сэбиэтин мунньаҕар кыттыыны ылла. Мунньахха…
Арассыыйа норуодунай артыыската Вера Алентова 83 сааһыгар олохтон туораата. Бу туһунан РИА-Новости иһитиннэрэр. Вера Алентова…
Ааспыт сууккаҕа өрөспүүбүлүкэҕэ биэс буруйу оҥоруу буолбутун туһунан СӨ Борокуратуурата иһитиннэрэр. Дьокуускайга суотабай төлөпүөнү уорбуттар.…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Саҥа дьыл саҕана үгүс хаһаайкалары бырааһынньык остуола долгутар. Саҥа дьыллааҕы салааттар, ас-үөл барыта сыалаах-арыылаах. Бырааһынньык…