Быйыл «Дыгын оонньууларыгар» 16 боотур кыттыаҕа

Быйыл сайын «Дыгын оонньуулара-2025» күрэхтэһиигэ кыттыыны ылар боотурдар быһаарылыннылар.

Ааспыт өрөбүллэргэ икки күннээх III сүүмэрдиир түһүмэх Чурапчыга икки успуорт уораҕайынан буолан ааста. Бастакы күн 24 боотурдар үс успуорт көрүҥэр кииристилэр — «Үс төгүл үс» сахалыы ыстаҥа, тутум эргиир, мас тардыһыы. Таатта спортсмена Николай Матаннанов ыстаныыга эчэйэн, быраастар быһаарыыларынан күрэхтэһииттэн тохтообута. Бастакы уопсай түмүгүнэн Нам бөҕөһө Вячеслав Дьяконов бастаата. Иккис уонна үһүс миэстэҕэ Кэбээйи уолаттара Артем Дьяконов уонна Яков Дмитриев тахсыбыттара, диэн «Кыах» ТГ-ханаала суруйар.

Иккис күн оҕунан ыттылар, 400 миэтэрэҕэ сүүрдүлэр, хапсаҕайдаһан туһуннулар уонна таас көтөҕөн хаамтылар.

Түмүгэр барыта 16 спортсмен сыралаахтык дьарыктанан, үс сүүмэрдиир түһүмэҕи ситиһиилээхтик аастылар. «Дыгын оонньууларын» III сүүмэрдиир түһүмэҕин кыайыылаахтарынан буоллулар:
1 миэстэ — Вячеслав Дьяконов, Нам
2 миэстэ — Яков Дмитриев, Кэбээйи
3 миэстэ — Артём Дьяконов, Кэбээйи.

«Дыгын оонньуулара-2025» күрэхтэһиигэ кыттыыны ылар боотурдар:

1. Яков Дмитриев    Кэбээйи                       1996 с.т.         138 очко
2. Артём Дьяконов     Кэбээйи                                     2004                137
3. Вячеслав Дьяконов     Нам                                  2001                133
4. Владимир Шологонов Үөһээ Бүлүү             2001                131
5. Тимофей Большаков Сунтаар                               1996                125
6. Алексей Уваровскай  Кэбээйи                              1999                120
7. Борис Сдвижков Амма                                      1997                 118
8. Алексей Соколов Сунтаар                                      2003                 116
9. Николай Матаннанов Таатта                            1991                  114
10. Алексей Ефимов Муому                                            1995                 113
11. Александр Пшенников Өлүөхүмэ                        1996                 107
12. Алексей Созонов Орто Халыма                         1997                 106
13. Айсен Ботуев Үөһээ Бүлүү                              1999                 104
14. Борис Строев Чурапчы                                        1999                  101
15. Иван Степанов Дьокуускай                                                    2005                 99
16. Валентин Афанасьев Ньурба                              2004                99