СИА, Андрей Сорокин
Саха сирин киинэ устааччыларын сайдыыларын харгыстыыр биир сүрүн мэһэйинэн киинэ көрдөрөр тыйаатырдар ахсааннара аҕыйаҕа буолар.
Олох соторутааҕыта, омуна суох куораттарга уонна ахсааннаах улуустар кииннэригэр эрэ киинэ көрдөрөр саалалар бааллара. Билигин балаһыанньа сыллата тупсан иһэрэ көстөр. Бүгүҥҥү күҥҥэ өрөспүүбүлүкэ үрдүнэн 40 киинэ тыйаатырыгар 48 киинэ саалата үлэлиирэ биллэр. Ону кытта бииргэ “Экстра Синема” хампаанньа ситимигэр киирэр киинэ көрдөрөр саалалар элбээн эрэллэр.
Икки сыллааҕыта бастакынан Кэбээйи, Мэҥэ Хаҥалас уонна Чурапчы улуустарыгар биирдии саала арыллан үлэлээн барбыттара. Онтон билигин киинэ көрөр саала ахсаана 28 буолан турар.
Бу хайысхаҕа сайдыы былаанын туһунан “Экстра Синема” хампаанньа генеральнай дириэктэриттэн Петр Чиряевтан туоһуластыбыт:
— Быйыл былаан быһыытынан 40 киинэ саалата үлэҕэ киирэр, бу чопчуланан турар. Оттон кэлэр сылларга Саха сирин үрдүнэн 150 кэриҥэ саала ирдэнэр диэн суоттаабыппыт. Дьиҥэр, саала нэһилиэнньэ ахсааныттан тутулуга суох. Холобур, соторутааҕыта Муома улууһун Чуумпу Кытыл сэлиэнньэтин дьаһалтата сайаапка түһэрэн, киинэ аппараатын ылбыттара уонна саала тэриннилэр. Бу нэһилиэккэ 214 киһи олорор. Онон дьон баҕарар буоллаҕына, сайаапкалаан дэриэбинэлэригэр саҥа киинэлэри көрөр сааланы арыныахтарын сөп.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…