Хаартыска:Ил Дархан уонна СӨ Бырабыыталыстыбатын пресс-сулууспата.н
2025 сылга өрөспүүбүлүкэ икки нэһилиэгэр модульнай спортивнай саалалар тутуллуохтара.
Ол курдук, Ньурба улууһун Чаппанда уонна Таатта улууһун Чөркөөх нэһилиэктэригэр “Бизнес-спринт” федеральнай бырайыак чэрчитинэн уонна өрөспүүбүлүкэ судаарыстыбаннай бүддьүөтүн көмөтүнэн модульнай спортивнай саалалар олоххо киирээри туралларын туһунан СӨ физическэй култуураҕа уонна успуорка миниистирэ Леонид Спиридонов иһитиннэрдэ.
Бырайыак докумуонугар олоҕуран, хас биирдии саалаҕа хамаанданан дьарыктанарга (волейбол, баскетбол, мини-футбол) аналлаах элбэх хайысхалаах спортивнай саала, мэдиссиинискэй кабинет, эр дьон уонна дьахталлар таҥнар хосторо, административнай кэбиниэттэр баар буолуохтара.
«Билиҥҥи туругунан, Ньурба улууһун дьаһалтата тутууга сыананы туруоруу эрэгийиэннээҕи кииниттэн симиэтэ сыанатыгар сыһыаннаах тустаах түмүгү ылла, маны таһынан, управление модульнай спортивнай сааланы хааччыйыыга уонна туруорууга аукциону биллэрдэ», — диэн бэлиэтээтэ миниистир Леонид Спиридонов.
«Бизнес-спринт» бырагыраама икки хайысхалаах: “өйдөөх” спортивнай былаһааккалар уонна модульнай спортивнай саалалар. Биир эбэтэр хас да модультан турар, фабрикаҕа оҥоһуллубут блок-модульнай дьиэ түргэнник тутуллар уонна көрүүтэ-истиитэ судургу.
Санатан суруйдахха, быйыл успуорт национальнай көрүҥнэригэр “Манчаары оонньуулара” XXII Спартакиада Таатта улууһугар от ыйын 7 күнүттэн 13 күнүгэр диэри ыытыллар. Оттон Ньурба улууһугар 2027 сылга IX СӨ Норуоттарын спортивнай оонньууллара ыытыллыахтара.
Ил Дархан Айсен Николаев анал этиитигэр бэлиэтээбитин курдук, спортивнай тэрээһиннэргэ анаан тутуллар эбийиэктэр чөл олоҕу тарҕатыыга, дьон эт-хаан өттүнэн доруобуйатын тупсарыытыгар туһуланар кииннэринэн буолуохтаахтар. 2018 сылтан өрөспүүбүлүкэҕэ бассейнтан саҕалаан, адаптивнай успуорт көрүҥнэрин саалаларыгар тиийэ 50 бөдөҥ спортивнай эбийиэк тутулунна.
Арассыыйа бэрэсидьиэнэ Владимир Путин Владивостокка Уһук Илин сайдыытын түмүктэрин кытта билистэ уонна Саха сирэ Хабаровскай…
Бу күннэргэ аан дойду болҕомтото Кытайга туһаайылынна. Манна атырдьах ыйын 31 - балаҕан ыйын 1 күннэригэр…
Бу күннэргэ күн-дьыл туруга хайдаҕый? Мииринэй, Сунтаар, Өлүөхүмэ, Ленскэй, Алдан, Нерюнгри улуустарыгар сорох сирдэринэн ардыыр,…
Хой Кэпсэтии, дьыалабыай көрсүһүү табыллар кэмэ. Дьоҥҥо аһары уустуктук сыһыаннаһартан туттун, барытын судургутук ылына сатаа.…
Оҕуруот аһын сыаната мантан күһүн өссө түһүөҕэ. Билигин помидор сыаната киилэтигэр 15-200 солкуобайга халбаҥныыр, кабачок…
«Национальнай Лотерея» «Мечталлион» лотерея 154-с тираһын Саха сириттэн кыайыылааҕын көрдүүр. Кыайыылаах биир мөлүйүөн солкуобайы сүүйбүт…