Быйыл хаһааҥҥытааҕар да элбэх хаары ыраастаатылар

Метеорологтар иһитиннэрбиттэринэн, бу сыл хаһааҥҥытааҕар да халыҥ хаардаах дьылынан буолбут. Ол курдук, кулун тутар ыйга хаар бөҕө түһэн Дьокуускай куоракка, оройуоннарга хомунаалынай сулууспалар үлэлэрэ элбээбит.

Дьокуускайга куораты ырааһырдыы үс ыйдааҕы үлэтин чэрчитинэн, бу күннэргэ 1800 м3 хаары тиэйбиттэр. Маны сэргэ, кырыыһалартан хаары түһэрии үлэтэ ыытылла турар. Элбэх кыбартыыралаах дьиэлэр тастарыгар хаһааҥҥытааҕар да улахан хаар чөмөхтөр баар буолуталаабыттара. Хаары тиэйии үлэтин кэмигэр хаһаайыттар массыыналарын кэмигэр сыҕарыппакалар, сорох хаар ситэри күрдьүллүбэккэ хаалан, хаар ууллуута бадарааны, чалбаҕы үөскэтиэн сөп.