Хатаска «Үөрэхтээһин» национальнай бырайыак чэрчитинэн тутулла турар эбийиэк эбии 120 миэстэни эбиэхтээх. Ону таһынан үөрэхтээһин систиэмэтин дириҥэтэн киллэрии федеральнай бырагырааматын чэрчитинэн сүрүн оскуола капитальнай өрөмүөнэ ыытыллар.
Үлэ хаамыытын Ил Дархан Айсен Николаев бэрэбиэркэлээтэ. Бу туһунан Ил Дархан пресс-сулууспата иһитиннэрэр.
4,9 тыһыынча кв.м иэннээх сиргэ үс этээстээх эбии тутууга 19 үөрэнэр кэбиниэт, бибилэтиэкэ, медкэбиниэт, остолобуой, аактабай саала, успуорт саалата, үлэ уруогун мастарыскыайа, киинэ-хаартыска устуудьуйата баар буолуохтара. Бастакы этээскэ П.П. Федорова аатынан агроинжиниринговай киини уонна Цифровой үөрэхтээһин эйгэни тэрийэр былааннаахтар, иккискэ – уопсай билим хайысхатынан предметтэргэ кэбиниэттэр, үһүскэ – Естественнэй-научнай уонна технологическай хайысхалаах «Точка роста» баар буолуохтара.
Билиҥҥи туругунан, ис уонна тас истиэнэлэрэ, үһүс этээс быыһа, иһинээҕи инженернэй ситим уонна оборудование таҥыллар. Эбийиэккэ барыта 104 киһи уонна 3 анал тиэхиньикэ үлэлиир.
2004 с. киирбит 400 миэстэлээх үс этээстээх сүрүн оскуола капитальнай өрөмүөнэ муус устартан саҕаламмыта. Эбийиэккэ барыта 15 киһи үлэлиир. Үлэ атырдьах ыйын 10 күнүгэр түмүктэниэхтээх.
Оскуола дириэктэрэ Николай Слепцов эппитинэн, төрөппүттэр кыттыыларынан сүрүн оскуола дьиэтин дизайн-бырайыага оҥоһуллубут уонна бэдэрээччити кытары сөбүлэһиллибит.
Соторутааҕыта Мэҥэ Хаҥалас улууһугар Төҥүлү нэһилиэгэр “Нөмүгү“ сайылыгар уонтан тахса сыл олохсуйан олорор Николай Баишев-Бойцов…
Быйыл Ньурбатааҕы судаарыстыбаннай көһө сылдьар драматическай тыйаатыр бастакы дириэктэрэ, Саха АССР үтүөлээх артыыһа Александр Алексеевич…
Өймөкөөн улууһугар уһун кэмнээх ардахтартан сорох нэһилиэнньэлээх пууннар ууга барбыттарынан сибээстээн, балаҕан ыйын саҥатыгар Өймөкөөн,…
Бүгүн, балаҕан ыйын 19 күнүгэр, Ил Дархан Айсен Николаев Орто Халыма куоратыгар үлэлээтэ. “Орто Халыма…
Синоптиктар бэлиэтииллэринэн, балаҕан ыйын 20 күнүгэр киин улуустарга -3...-8 кыраадыска диэри тымныйыан сөп. Дьокуускайга түүн …
Дьокуускай куоракка уулуссалар ааттарын, дьиэлэр нүөмэрдэрин бэрэдээктээһин ыытыллар буолбута көстөр. Ол курдук, соторутааҕыта Ленин проспегар…