Хаартыска: sakha.gov.ru
2024 сылга өрөспүүбүлүкэтээҕи пассажирскай өрүс тырааныспарын паарката «Ломоносов» теплоход уонна «Метеор» түргэн тэтимнээх суудуналар аҕалылларын күүтэр.
Бүгүҥҥү күҥҥэ Саха сиригэр өрүс тырааныспарынан дьону таһыыга 16 суудуналаах, олортон ууну үтэр — 3, салгын уйуктааҕа — 4 уонна түргэн — 9 суудуналар.
Уу уонна тимир суол тырааныспарын департаменын салайааччытын солбуйааччы Ирина Черная иһитиннэрбитинэн, «Ломоносов» теплоход Өлүөнэ очуостарын улахан маршрутунан сылдьыаҕа. Оттон «Метеор» суудунаны Дьокуускай-Өлүөхүмэ маршрутунан рейси оҥорууга туһаналлара былааннанар. Суудуна 120 киһини батарар.
Ону таһынан, «Ленскэйдээҕи холбоһуктаах өрүс пароходствота» ААО 2024-2025 сылларга инвестиционнай бырагырааманан 11 өрүс суудуналары саҥардары былаанныыллар.
Ону тэҥэ, 2024 сылга РФ Бэрэсидьиэнэ Владимир Путин сорудаҕынан, Жатай судоверфи тутуу түмүктэнэрэ былааннанар. Аны кэлэр сылга Саха сиригэр «өрүстэр» уонна «өрүстэр-муора» кылаастаах суудуналары тутуу саҕаланыаҕа. 2030 сылга диэри Жатай суудунатын баазатыгар 50 суудунаны тутар былааннанар.
Үрдүк технологиялаах Жатай судоверфи тутуута «Развитие судостроения и техники для освоения шельфовых месторождений» судаарыстыбаннай бырагыраама иитинэн ыытыллар.
Оҕо иммунитетын бөҕөргөтөөрү араас сыаналаах йогуртары талабыт. Күөх экрааҥҥа көстөр араас сыаналаах йогуртар хаһааныллар болдьохторо…
Ил Дархан Айсен Николаев бүгүҥҥү пресс-кэмпириэнсийэтигэр кэнники сылларга тыа хаһаайыстыбата, ордук үүт бородууксуйатын оҥорууга уонна…
Бүгүн Саха Өрөспүүбүлүкэтин доруобуйатын харыстабылын устуоруйатыгар киирэр кэрэ-бэлиэ түгэн үүннэ. Ол эбэтэр Үөһээ Бүлүүгэ оҕо…
Табаҕа бөһүөлэгэр баһаарга 63 саастаах эр киһи уонна 52 саастаах дьахтар өлбүттэринэн процессуальнай бэрэбиэркэ саҕаламмытын…
Айсен Николаев бүгүҥҥү пресс-кэмпириэнсийэтигэр олохтоох бэйэни салайыныыны реформалааһын бириэмэтигэр саҕаламмытын эттэ. Кини эппитинэн, бу кэнники…
Бүгүн «Патриот» киинигэр буолан ааспыт пресс-кэмпириэнсийэҕэ Ил Дархан Айсен Николаев суруналыыстар ыйытыыларыгар хоруйдаан, өрөспүүбүлүкэҕэ дьиэ…