Вице-премьер Марат Хуснуллин эрэгийиэннэр сайдыыларын хамыыһыйатын мунньаҕар иһитиннэрбитинэн, былырыын Арассыыйа үрдүнэн 101,5 мөлүйүөн кв м дьиэ тутуллубут, 173 мөлүйүөн кв м суол саҥардыллыбыт.
Бырабыыталыстыба бэрэссэдээтэлин солбуйааччы Марат Хуснуллин бэҕэһээ, тохсунньу 18 күнүгэр, эрэгийиэннэр сайдыыларын көрөр хамыыһыйа мунньаҕын ыытта. Кини иһитиннэрбитинэн, былырыын дьиэ тутуутугар, суолу-ииһи оҥорууга, инфраструктураны сайыннарыыга эрэгийиэннэр күүскэ үлэлэспиттэр.
— Былырыыҥҥы сыл тутуу эйгэтигэр, инфраструктураны саҥардыыга, суолу-ииһи оҥорууга үтүө түмүктээх буолла. Бу эйгэлэргэ ыыппыт үлэбитин бэрэсидьиэн үрдүктүк сыаналаата. Ааспыт сылга дойду үрдүнэн барыта 101,5 мөлүйүөн кв м дьиэ тутулунна, 173 мөлүйүөн кв м суол саҥардылынна, 30 тыһыынчаттан тахса килэмиэтир суол өрөмүөннэннэ, — диэн бэлиэтиир кини.
2022 сыл түмүгүнэн национальнай бырагыраамалары толорууга Чечня Өрөспүүбүлүкэтэ бастакы иһэр. Бу эрэгийиэн 18 бырагыраамаҕа үрдүк көрдөрүүлээх.
Тутуу уонна олох-дьаһах, коммунальнай хаһаайыстыба министиэристибэтэ иһитиннэрбитинэн, былырыын “Стимул” бырагырааманан 138 эбийиэк олоххо киирбит, 9,3 мөлүйүөн кв м дьиэ тутуллубут. “Куорат эйгэтин тупсарыы” бырагырааматынан 11 тыһыынчаттан тахса сир тупсаран оҥоһуллубут. Ону сэргэ “Ыраас уу” бырагырааманан 332 эбийиэк саҥардыллыбыт.
Мунньахха бырабыыталыстыба хамыыһыйата быйыл эрэгийиэннэр коммунальнай хаһаайыстыбаларыгар ордук болҕомтону уурарга бэлиэтээтэ.
— Быйылгы былааҥҥа олох-дьаһах, коммунальнай хаһаайыстыбаны сайыннарыы, инфраструктуралары саҥардыы биир сүрүн боппуруоһунан туруоҕа, — диэн иһитиннэрэр Марат Шакирзянович.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…