Хаартыска: sakha.gov.ru ылылынна
Бу сылга Саха сиригэр култуура аҕыс эбийиэгин үлэҕэ киллэрэри былаанныыллар. Эбийиэктэр улуустарга уонна Дьокуускай куоракка тутуллаллар. Бу туһунан СӨ бастакы вице-премьерэ Дмитрий Садовников иһитиннэрдэ.
Дмитрий Садовников Мэҥэ Хаҥалас улууһугар Аллараа Бэстээххэ култуура киинигэр уонна Сунтаарга Кириэстээххэ «Саргы түһүлгэтэ» социальнай-култуурунай кииҥҥэ болҕомтотун туһаайда. Бу «Култуура» национальнай бырайыагынан тутулла тураллар.
«Улахан кээмэйдээх үлэ толоруллуохтаах. «Култуура» национальнай бырайыагынан Мэҥэ Хаҥаласка Аллараа Бэстээх бөһүөлэгэр култуура киинэ уонна Сунтаар улууһугар Кириэстээххэ «Саргы түһүлгэтэ» социальнай-култуурунай киин бастакы кыбартаалга киллэриллиэхтээхтэр. Бу улахан эбийиэктэр бэдэрээччиттэртэн сылтаан былырыын кыайан ситэриллибэтэхтэрэ. Бары эбийиэктэргэ тутар-монтажтыыр үлэни тэтимирдэн биэрэр наада«, — диэтэ Дмитрий Садовников.
Кини үлэ кыраапыгыттан хаалбыт эбийиэктэри ураты хонтуруолга ыларга, үлэһиттэр ахсааннарын эбэн биэрэргэ соруйда.
«Култуура» национальнай бырайыагынан тутуллар үөһээ этиллибит икки эбийиэги таһынан, хас да эбийиэк «Мин Сахам сирэ XXI үйэҕэ» өрөспүүбүлүкэтээҕи үтүө дьыала хамсааһын иитинэн тутуллар: Үөһээ Бүлүү улууһугар Быракааҥҥа култуура-успуорт комплекса, Дьааҥыга Суордаах сэлиэнньэтигэр уонна Кэбээйи улууһугар Батамайга элбэх хайысхалаах култуура кииннэрэ, Мэҥэ Хаҥаласка Бөкөҕө култуура-успуорт комплекса.
Маны сэргэ, Ленскэйгэ ускуустуба оскуолата былааннанан турар. Ону таһынан, Дьокуускайга эпос уонна ускуустуба Арктикатааҕы киинэ киириэҕэ.
Санатан эттэххэ, РФ Бэрэсидьиэнэ Владимир Путин көҕүлээбит «Култуура» национальнай бырайыак иитинэн, култуура сэттэ дьиэтэ тутуллубута: Горнай улууһугар Дьиикимдэҕэ, Уус Алдаҥҥа Сыырдаахха, Бүлүү улууһугар Тааһаҕарга уонна Тыымпыга, Нам улууһугар Аппааныга, Сунтаар улууһугар Кэмпэндээйигэ, Чурапчыга Толооҥҥо.
СӨ Ил Дарханын уонна Бырабыыталыстыбатын пресс-сулууспата
Бу нэдиэлэҕэ эргэ сыл түмүктэнэр, саҥа сыл саҕаланар. Сулустар Чубуку бэлиэтигэр күүскэ дьайаллар, онон бу…
Ахсынньы 28 күнүгэр өрөбүллээҕи Оһуокайбыт буолла.Быйыл иккис сылын Чысхаан кэлэн алгыстаах оһуокайы таһаарда. Чысхаан оруолун…
Биэс сыллаах тохтобул кэнниттэн Москваҕа тыһыынчанан оҕолорго анаан Кириэмил харыйатын тэрээһинэ ыытылынна. Кинилэр истэригэр Саха…
Бу күннэргэ Горнай улууһун Землячествота саҥалыы тыыннаах тэриллибитэ 10-с үбүлүөйдээх сылын бэлиэтиир. Уопсастыбаннай тэрилтэ үлэтин…
Ахсынньы 26 күнүгэр Бүтүн Арассыыйатааҕы “Полиция Тымныы Моруос Оҕонньоро” аахсыйа саҕаламмыта. Бу суолталаах тэрээһиҥҥэ кыттан,…
Бу күннэргэ Саха сирин талааннаах дьоно хаартан-муустан кэлэн иһэр саргылаах Саҥа дьылы көрсө араас оҥоһуктары…