СИА. Мария Васильева хаартыскаҕа түһэриитэ
Ил Дархан Айсен Николаев Мииринэй улууһугар сырыытын кэмигэр “Алмаастаах кыраай” олохтоох тэлэбиидэнньэҕэ быһа эпииргэ тахсан, өрөспүүбүлүкэ уонна алмаастаах улуус олохтоохторун долгутар тирээн турар суолталаах үгүс ыйытыыларга сиһилии астыннарар хоруйдары, быһаарыылары биэрдэ.
Мэдиссиинэ исписэлиистэрэ тиийбэттэринэн каадырдары бэлэмнээһин туһунан бастакы киирбит ыйытыыга Ил Дархан быраастар нэһилиэктэргэ, улахан куораттарга, хоту улуустарга олох тиийбэттэрин, онон бу хайысхаҕа өрөспүүбүлүкэҕэ быһаарыы ылыллан, үлэ бара турарын бэлиэтээтэ.
— Удачнай куоракка быраастарынан хааччыллыы 50% диэн өрүү холобурдуубун. Оттон Мииринэй куоракка биһиги кэккэ быһаарыылары ылыммыппыт. Ол курдук бу сылга чопчу идэлээх 10 быраас ординатураны бүтэрэн манна үлэлии кэлиэхтээхтэр. Орто уонна үрдүк үөрэҕи бүтэрээри сылдьааччылары үлэҕэ ыытарга 10 дуогабар түһэрсиллэн турар. Маны сэргэ биһиги тус сыаллаах бэлэмнээһини, ол иһигэр Мииринэй оройуонугар анаан, эмиэ салгыахпыт. Саамай сүрүнэ, доруобуйа харыстабыла сайда турарын туһугар олоҕу тупсарыахтаахпыт, — диэн Айсен Николаев Мииринэй оройуонугар, Нерюнгри оройуонугар курдук хаалыы суоҕун, мэдиссиинэ тэрилтэлэрин хааччыйыы өттүгэр улахан матырыйаалынай, тэхиньиичэскэй кыһалҕалар турбаттарын бэлиэтээтэ.
Быһа эпиир кэмигэр Ил Дархан оройуон доруобуйатын харыстабылын сайыннарыыга «АЛРОСА» хампаанньа киллэрэр кылаатын, ыытар үлэтин иһин махтанна.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…