Быйыл Намҥа 450 миэстэлээх оскуола тутуута саҕаланыа

РФ Бырабыыталыстыбатын Бэрэссэдээтэлэ Михаил Мишустин дьаһалынан үөрэнээччи ахсаана элбээбитинэн сибээстээн оскуолаларга саҥа миэстэлэри тэрийэр туһуттан, РФ субъектарын бүддьүөтүгэр тыырыллар субсидия кэриҥэр уларытыылар киирдилэр.

Саха сиригэр эбии 193 мөл. солк. кэриҥнээх эбии үп көрүлүннэ. Ол туһунан Ил Дархан Айсен Николаев бэйэтин telegram-ханаалыгар иһитиннэрдэ.

«Уларытыылар киирбиттэринэн, эбии үп көрүллүбүтүнэн, биһиги Нам улууһун киинигэр быйыл 450 миэстэлээх саҥа оскуоланы тутууну саҕалыахпыт. Михаил Владимировичка уонна дойду Бырабыыталыстыбатыгар Саха сирин өрүү өйүүллэрин иһин махталбын биллэрэбин!», — диэн Айсен Николаев суруйар.