Быйыл номнуо 12 ойуур баһаарын умулларбыттар

Ыам ыйын 29 күнүгэр экология министиэристибэтин ойууру харыстааһыҥҥа, хонтуруоллааһыҥҥа департаменын салайааччы Алексей Гоголев баһаардарга балаһыанньа туһунан кэпсээтэ.

Кини иһитиннэрбитинэн, ыам ыйын 28 күнүгэр Дьокуускай куорат аттыгар 19 гаа иэннээх сиргэ 1 баһаар умайан эрэрин булбуттар. Баһаары түргэнник умулуннарбыттар.

Быйыл хаар ууллуоҕуттан Саха сиригэр 61,1 гаа иэннээх сиргэ 12 ойуур баһаарын умулларбыттар.

Ол курдук, ыам ыйын 12 күнүттэн Мэҥэ Хаҥалас, Нам, Уус Алдан, Хаҥалас, Дьокуускай лесничестволарыгар баһаар күөдьүйбүтэ бэлиэтэммит. Ыам ыйын 16 күнүттэн – Амма, Бүлүү, Үөһээ Бүлүү, Горнай, Ньурба, Өлүөхүмэ, Сунтаар, Сангаар, Таатта, Уус Маайа, Чурапчы лесничестволарыгар.

Ыам ыйын 22 күнүттэн – Алдан, Дьааҥы, Эдьигээн, Индигиир, халыма, Ленскэй, Мииринэй, Нерюнгри, Томпо лестничестволарыгар.

Ил Дархан, бырабыыталыстыба дьаһалтатын пресс-сулууспата.