Салгыы
Быйыл оскуоланы 7 тыһыынча оҕо бүтэрдэ

Быйыл оскуоланы 7 тыһыынча оҕо бүтэрдэ

24.05.2024, 16:20
Ил Дархан, бырабыыталыстыба пресс-сулууспата.
Бөлөххө киир:

Бу күннэргэ өрөспүүбүлүкэ бары оскуолаларыгар үөрэх дьылын түмүктүүр тэрээһиннэр ыытыллаллар уонна Бүтэһик чуораан чугдаарар.

Быйыл орто  уопсай үөрэхтээһиҥҥэ 14,3 тыһыынчаттан тахса оҕо үөрэнэр, оскуоланы 7081 оҕо бүтэрдэ. Өрөспүүбүлүкэ үрдүнэн Кыһыл көмүс мэтээли ыларга 545 үөрэнээччи, үрүҥ көмүс мэтээли — 410 үөрэнээччи ыларга бэлэмнэнэр.

17 оҕо Бүтүн Арассыыйатааҕы үөрэнээччилэр олимпиадаларын түмүктүүр түһүмэҕэр 14 биридимиэккэ кыттыбыттара.

Кинилэртэн физкултуураҕа Нерюнгриттэн Е.А. Варшавскай аатынан  24 №-дээх Информационнай-технологическай лиссиэйтэн Виктория Бондаренко уонна Дьокуускай к. 17-с оскуолатын 10 кылааһын үөрэнээччитэ  Ирина Федорова бириистээх миэстэлэри ылбыттара.

Выпускниктарга судаарыстыбаннай түмүктүүр аттестацияны туттарар эппиэттээх кэмнэрэ үүннүлэр. 11 кылаастар ыам ыйын 23 күнүгэр номнуо хиимийээҕэ, нуучча литературатыгар, географияҕа Биир кэлим эксээмэни туттардылар. Аныгыс эксээмэн ыам ыйын 28 күнүгэр буолуоҕа.

9-с кылааһы бүтэрээччилэр ыам ыйын 21. 22 күннэригэр омук тылыгар эксээмэни туттардылар. Ыам ыйын 27 күнүгэр биологияҕа, информатикаҕа, уопсастыбаны билиигэ, хиимийэҕэ эксээмэни туттарыахтара.

Ил Дархан ыйааҕынан, БКЭ эксээмэнин 100 баалга туттарбыт оҕоҕо 100 тыһыынча солкуобай бириэмийэ олохтоммута.

Ил Дархан, бырабыыталыстыба пресс-сулууспата.

+1
0
+1
0
+1
1
+1
0
+1
0
+1
0
+1
0
Бары сонуннар
Салгыы
19 июня
  • 14°C
  • Ощущается: 13°Влажность: 77% Скорость ветра: 2 м/с

Сообщить об опечатке

Текст, который будет отправлен нашим редакторам: