Хаартыска: sakha.gov.ru
Бастакы вице-премьер Дмитрий Садовников бэрэссэдээтэллээн ыыппыт социальнай эбийиэктэри тутуу ыстаабын уочараттаах мунньаҕар, Дьокуускайга уонна Жатайга оскуола тутууларын хаамыытын көрдүлэр.
РФ бэрэсидьиэнэ Владимир Путин көҕүлээн олоххо киллэрбит “Үөрэх” национальнай бырайыагынан, эрэгийиэн Бырабыыталыстыбата уонна “ПроШкола” ХЭУо концессионнай сөбүлэҥнэрин иитинэн 4 эбийиэк тутуллар. Бырайыактары үбүлээһиҥҥэ чааһынай инвестиция – ВЭБ.РФ уонна “Сбербанк” ПАО үбэ туһаныллыбыта.
Дьокуускайга Сэргэлээх шоссетыгар доруобуйаларынан хааччахтаах оҕолорго үөрэх адаптивнай комплекса тутуллар. 550 миэстэлээх оскуола бу сыл бүтүүтэ үлэҕэ киириэҕэ, оттон 200 миэстэлээх уһуйааны уонна 150 миэстэлээх интэринээти эһиил туттарыахтара.
Куоракка өрөспүүбүлүкэҕэ биир бөдөҥүнэн буолуохтаах ДСК түөлбэҕэ 990 миэстэлээх саҥа оскуола тутулла турар. Тутар-таҥар үлэ сыл бүтүүтэ түмүктэниэхтээх, күн бүгүн эбийиэк 33% бэлэм.
Дьокуускай куоракка Пирогов уулуссаҕа 180 миэстэлээх оскуола тутуута салҕанар, манна доруобуйаларынан хааччахтаах оҕолор 4-с нүөмэрдээх анал коррекционнай оскуолалара көһүөҕэ. Тустаах оскуола бэлэмэ 26% тэҥнэһэр, эбийиэги эмиэ сыл бүтүөр диэри үлэҕэ киллэрихтэрэ.
Оттон Жатайга балаҕан ыйын 1 күнүгэр 360 миэстэлээх оскуоланы аһар былааннаахтар, күн бүгүн бу оскуола бэлэмэ 80% тэҥнэһэр.
Санатан эттэххэ, “Үөрэх” национальнай бырайыак оҕолор кыахтарын төһө кыалларынан күүскэ арыйалларыгар тэҥ усулуобуйаны тэрийэр соруктаах. Бырайыак 2019 сылтан саҕаламмыта. Аҥардас 2023 сылга ити национальнай бырайыагынан Саха сиригэр 9 оскуола тутулунна. Ону тэҥэ, үөрэнээччилэри бары өттүнэн сайыннарарга туһаайыллыбыт үөрэх эйгэтин саҥардыы барар, “Үүнүү туочуката” үөрэх кииннэрэ тэриллэллэр, Саха сирин бары оскуолалара 100 бырыһыан түргэн тэтимнээх интэриниэккэ холбонон олороллор.
Ил Дархан уонна Бырабыыталыстыба пресс-сулууспата.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…