Хаартыска: PxHere
2026 сылга «УЦН 2.0» федеральнай бырайыак чэрчитинэн Саха сиригэр өссө 17 нэһилиэккэ суотабай сибээс ыстаансыйаларын тутарга былаанныыллар. Бу туһунан бырайыак миниистирэ Петр Николаев социальнай ситимнэргэ быһа эпииргэ иһитиннэрдэ.
Кини этэринэн, бу нэһилиэнньэлээх пууннар испииһэктэрэ «Цифровой тэҥэ суох буолууну суох оҥоруу 2.0» (Устранение цифрового неравенства 2.0) федеральнай бырайыак чэрчитинэн ыытыллыбыт куоластааһын түмүгүнэн оҥоһуллубут.
Министир бэлиэтээбитинэн, бырайыак РФ Сыыппара сайдыытыгар, сибээскэ уонна маассабай коммуникацияҕа министиэристибэтин кытта бииргэ үлэлээһининэн олоххо киирэр.
«Олохтоохтор бэйэлэрэ куоластаан быһаараллар: сыл аайы күһүн «Госуслуги» портаалга киирэн куоластыахха, ону тэҥэ «Почта России» салааларынан РФ Сыыппара сайдыытыгар, сибээскэ уонна маассабай коммуникацияҕа министиэристибэтигэр суруйуохха сөп. Ол сурукка ааты-суолу, олорор сиргинэн аадырыһы уонна олорор сириҥ нэһилиэнньэтэ төһөтүн, ханнык мобильнай интэриниэт наадатын ыйаҕын», – диэн Петр Николаев бэлиэтээтэ.
Билигин 2026 сылга киирэр нэһилиэнньэлээх пууннар бырайыактара техническэй бэрэбиэркэни ааһаллар. Петр Николаев эппитинэн, үлэлэр ыстаансыйа туруорарга техническэй кыаҕы уонна инфраструктураны учуоттаан ыытыллаллар.
Сиһилии: https://www.sakha.gov.ru/news/19222
Ньурба улууһугар биэс киһи баһаарга былдьаммытынан үс күннээх траур биллэрилиннэ. Бу туһунан улуус баһылыга Алексей…
2025 сыл ыам ыйыгар биир дьахтар «Хатас» СХПК тэрилтэтиттэн бэйэ дьиэтин туттарга (ИЖС) анаммыт сири…
РФ Бырабыыталыстыбатын бэрэссэдээтэлин солбуйааччы -- Уһук Илиҥҥэ РФ Бэрэсидьиэнин боломуочуйалаах бэрэстэбиитэлэ Юрий Трутнев "Россия-24" телеханаалга…
Бүгүн Доруобуйа харыстабылын министиэристибэтэ Ньурба улууһугар бөлүүн баһаарга эмсэҕэлээбиттэр туруктарын туһунан иһитиннэрдэ. Ньурба улууһун Ньурбачаан…
Саха Өрөспүүбүлүкэтин баһылыга Айсен Николаев 2026 сыллаахха үөрэх систиэмэтин сайыннарыы былааныгар анаммыт сүбэ мунньаҕы ыытта.…
Саха сиригэр олорор Украина националистическай структураларын дьайыыларын тутуһар киһиэхэ холуобунай дьыала тэриллибитин туһунан СӨ УФСБ…