sakha.gov.ru
Быйыл өрөспүүбүлүкэ балыыһаларыгар 45 саҥа көлө бэрилиннэ. Көлөлөр доруобуйа харыстабылын бастакы сүһүөх звенотун үлэтигэр туһанарга аналлаахтар. Бу туһунан СӨ доруобуйа харыстабылын министиэристибэтэ иһитиннэрэр.
Көлөлөр Арассыыйа Бэрэсидьиэнэ В.Путин көҕүлээбит «Уһун уонна көхтөөх олох» национальнай бырайыагынан көрүллүбүт доруобуйа харыстабылын бастакы сүһүөх звенотун саҥардыы бырагырааматын иитинэн ылыллыбыттар. Бу национальнай бырайыак баар буолан, өрөспүүбүлүкэ балыыһалара тырааныспарынан хааччылыннылар. Онон нэһилиэктэргэ айанныы сылдьан дьон-сэргэ доруобуйатын көрөргө, балыыһаҕа суһаллык киириэхтээх пациеннары аҕаларга, эми-тому таһарга, уо.д.а. тирэх буолла.
Доруобуйа харыстабылын бастакы сүһүөх звенотун модернизациялааһын маны сэргэ, Ил Дархан Айсен Николаев «О стратегических направлениях укрепления общественного здоровья и развития системы здравоохранения РС (Я)» суолталаах ыйааҕын толоруунан эмиэ ыытыллар. Автопаарканы саҥардан оҥоруу хаһыс да сылын тиһиктээхтик салҕанар.
Бу туһунан доруобуйа харыстабылын миниистирэ Лена Афанасьева этэр.
—РФ доруобуйа харыстабылын министиэристибэтэ дойду эрэгийиэннэрин наадалаах, сөптөөх тырааныспарынан хааччыйар туһугар инникитин даҕаны саҥа массыыналары атыылаһарга үп-харчы көрөр былааннаах, — диэн бэлиэтиир миниистир.
Кини иһитиннэрбитинэн, 2019 сылтан саҕалаан национальнай бырайыактары уонна эрэгийиэннээҕи бырагыраамалары толоруу иитинэн, өрөспүүбүлүкэ 372 көлөлөммүт, ол иһигэр 92 суһал көмө массыыната уонна 17 көһө сылдьар мобильнай комплекстар.
Сиһилии: https://www.sakha.gov.ru/news/17190
СӨ Ил Дарханын уонна Бырабыыталыстыбатын пресс-сулууспата
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…